 |
Beliefs | Future | Medical | Topics | Contact Us | Publications | Languages |
Peit ruh na ka kitab
Ka jingshisha shaphang kaei? Shaphang katto katne ki jingkylli kiba kongsan tam kiba ki briew ki ju kylli-kum kine harum:
Naei phin wad ïa ki jubab jong kine ki jingkylli haneng. Don katto katne ngut kiba leit sha ki nongialam niam ne ki parabangeit ba shitrhem ban ioh ïa ki jubab. Hynrei kham bunsien kim ioh ïa ki jubab kiba pynhun, don ruh kiba ai ïa ki jubab kiba markhongpong ïa ki jubab jong kiwei pat. Don pat kiba ai ïa ki jubab kiba iahap mynta hynrei tang shipor kim myntoi shuh.
Hynrei, ka don kawei ka kot kaba lah ban ai ïa ki jubab kiba dei. Kata ka dei ka kitab jong ka jingshisha kaba don ki jingtip kiba thikna. Ha ka jingduwai sha u Blei u Jisu u la ong: “Ka ktien jong me ka long ka jingshisha.” (Ioannis 17:17) Mynta ngi tip ïa kata ka kitab kum ka Baibl. Ha ki sla kiba bud phin sa ïohi katto katne ki jingshai bad ki jingshisha na ka Baibl, ki ban ai ïa ki jubab jong ki jingkylli haneng.
BALEI KUM KANE KA JINGKYLLI KA MIH: Ngi im ha ka pyrthei kaba dap da ki jingjynjar bad jingleh bymhok. Bun na ki niam ki hikai ba ki jingjynjar ba ngi mad ka dei katkum ka mon jong u Blei.
AIU KA BAIBL KA HIKAI: Ka daw jong ki jingsniew kim dei na u Blei. “Kaba eh ïa u Blei ba un leh ïa kaba sniew, bad ïa u badonbor baroh ba un leh ïa kabym hok.” ong u Job 34:10. U Blei u don ka jingthmu ka babha na ka bynta u bynriew. Na kata ka daw u Jisu ula hikai ïa ngi ban duwai: “Ko kpa jong ngi uba ha bneng . . . wan ka hima jong me. Long ka mon jong me ha ka khyndew kumba ha bneng.” (Mathaios 6:9, 10) U Blei u phikir ïa ngi haduh katta katta haduh ba u la phah ïa la u khun ba marwei ban pyllait im ïa ngi.–Ioannis 3:16.
Peit ruh na ka kitab Jenesis 1:26-28; Jakob 1:13; bad 1 Petros 5:6, 7.
BALEI KUM KANE KA JINGKYLLI KA MIH: Ka thma ka dang ïai shim ïa ki jingim briew haduh bym lah ñiew shuh. Kum ki briew, ngi baroh ngi la shah ktah ha ki jingjynjar.
AIU KA BAIBL KA HIKAI: U Blei u la ïathuhlypa ïa ka por ha kaba un wanlam ïa ka jingsuk ha shityllup ka pyrthei. Hapoh ka jingsynshar jong u Blei ki briew kin nym ialehthma shuh iwei ïa iwei pat. (Isaia 2:4) U Blei un sa pynkut noh ïa ki jingleh bymhok bad ki jingjynjar baroh. Ka Ktien U Blei ka kular ba “U Blei un niad noh ïa ka jingjaw ummat baroh na ki khmat jong ki; bad ka jingiap kan ym long shuh, lymne ka jingsngewsih, lymne ka jingiam, lymne ka jingpang; kan ym long shuh; kita kiei kiei kiba mynshuwa [kynthup ïa ki jingleh bymhok bad ka jingjynjar] kila leit noh.”–Jingpynpaw 21:3, 4.
Peit ruh na ka kitab Salm 37:10, 11; 46:9; bad Mikah 4:1-4.
BALEI KUM KANE KA JINGKYLLI KA MIH: Bun na ki niam jong ka pyrthei ki hikai ba ka mynsiem ka im sah wat la u briew ula ïap. Don kiba ngeit ba kiba ïap ki lah ban pynmynsaw ïa kiba im, bad ba u Blei u pynshitom ïa kiba pop da kaba thang ïa ki ha ka dujok.
AIU KA BAIBL KA HIKAI: Ynda la ïap, ki briew kim don jingim shuh namarba “kiba ïap kim tip eiei.” Ong ka Eklesiastis 9:5. Kiba ïap kim lah ban tip, sngew ne shemphang eiei, kim lah ban pynmynsaw ne ïarap ïa kiba im. –Salm 146:3, 4.
Peit ruh na ka kitab Jenesis 3:19, bad Eklesiastis 9:6, 10.
BALEI KUM KANE KA JINGKYLLI KA MIH: Ngi kwah ban im bad ban pynsngewbha ïalade bad kito kiba ngi ieid. Te kam long kaba phylla ba ngi ju angnud ban ïohi biang ïa la kiba ieid ba thoiñ ba la ïap.
AIU KA BAIBL KA HIKAI: Bun na ki briew kiba la ïap kin sa mih pat. U Jisu u la kular ba “kito kiba ha ki jingtep kin . . . mihpat.” (Ioannis 5:28, 29) Haka por ba u Blei u thaw ïa ki briew u kwah ïa ki ba kin im junom ha ka pyrthei; te kumjuh ruh, kito kiba la mihpat kin ioh ka lad ban im biang ha ka paradais ha pyrthei. (Lukas 23:43) Kane ka jingkular ka kynthup ïa ka jingkoit jingkhiah ba janai bad ka jingim bymjukut na ka bynta ki briew kiba kohnguh ïa u Blei. Ka Baibl ka ong: “Kiba hok kin ïoh kynti ïa ka ri bad kin shong haka ha la ka rta.”–Salm 37:29.
Peit ruh na ka kitab Job 14:14, 15; Lukas 7:11-17 bad Kam 24:15
BALEI KUM KANE KA JINGKYLLI KA MIH: Ki briew kiba don ha ki niam bapher bapher ki ju duwai, pynban bun naki, ki sngew ba kim ju ïoh ïa ki jubab jong ki jingduwai jong ki.
AIU KA BAIBL KA HIKAI: U Jisu u hikai ïa ngi da kaba ong ‘wat bun ktien’ haba phi duwai. (Mathaios 6:7) Lada ngi kwah ba u Blei un sngap ïa ki jingduwai jong ngi, ngi dei ban duwai ha ka rukom kaba u Blei u mynjur. Ban leh kumta, ngi dei ban tip shuh shuh ïa ka mon jong u Blei bad nangta sa duwai katkum ka rukom badei. Ka shithi ba nyngkong u Ioannis 5:14 ka batai “Lada ngi pan ïa kaei kaei ruh katba kum ka mon jong u [Blei], u sngew ïa ngi.
Peit ruh na ka kitab Salm 65:2; Ioannis 14:6, 14 bad 1 Ioannis 3:22.
BALEI KUM KANE KA JINGKYLLI KA MIH: Bun ki briew ki ngeit ba ka spah, ka nam lane ka jingbhabriew kan pynlong ia ki kiba kmen. Na kata ka daw, ki ïa beh ïa kita,pynban, hadien ba ki la ioh ia ki, ki shem ba kim lah ban ai jingkmen bashisha ïa ki.
AIU KA BAIBL KA HIKAI: U Jisu u pyni ïa kata ka lynti sha ka jingkmen da kaba u ong “Suk kiba thngan bad kiba sliang ïa ka hok: naba yn pyndap ïa ki.” (Mathaios 5:6) Ïa ka jingkmen bashisha lah ban shem tang lada ngi tip ïa ka jingshisha shaphang u Blei bad ka jingthmu jong u. Ngin shem ïa kita baroh ha ka Baibl. Kane ka jingshisha kan iarap ïa ngi ban jied hapdeng kaba kham donkam bad ka bym da donkam. Te khnang ban ioh ïa ka jingim kaba kmen, dei ban ailad ïa ka jingshisha jong ka Baibl ban lam lynti ïa ngi.–Lukas 11:28.
Peit ruh na ka kitab Proberb 3:5, 6; 13-18 bad 1 Timothi 6:9, 10.
Kine ki long tang katto katne ki jubab kiba ka Baibl ka ai ïa kitei ki jingkylli. Phi kwah mo ban tip shuh shuh? Lehse phi thrang ban tip ïa ka jingshisha, bad phi ju pyrkhat ïa kum kine kiwei pat ki jingkylli: ‘Lada u Blei u sumar u sukher ïa ngi, balei pat u ailad ïa ki jingsniew bad ki jingjynjar haduh katne? Kumno ngan pynbha ïa ka longïing longsem jong nga?’ Ka Ktien U Blei ka ai ïa ki jubab kiba pura bad kiba pynhun ïa kum kine ki jingkylli bad kiwei de.
Hynrei, dang bun mynta kiba pynpaw ïa ka jingartatien ban pule ïa ka Baibl. Ki peit ïa ka kum ka kot kaba rben, bad don ki khep kiba wat tang ban sngewthuh ruh ki shem jingeh. Phi kwah mo ka jingiarap ban shem ïa ki jubab na ka Baibl? Ki Nongsakhi U Jehobah ki tyrwa artylli ki lad ki lynti ban iarap ïa phi.
Banyngkong, ka kot lyngkdop U Blei U Kwah Aiu Na Ngi? la shna kyrpang ban iarap ïa phi ban wad bniah ïa ki jubab kiba shai na ka Baibl. Kaba ar pat de, ka dei ka jinghikai Baibl ha ïing jong phi khlem jingsiew eiei. Ïwei na ki Nongsakhi U Jehobah in wan sha ïing jong phi lane ha kano kano ka jaka kaba phi kwah, bad man la ka taiew kin wan ban phylliew jingmut bad phi na ka Baibl. Da ki milian ki briew ha ka pyrthei ki la ioh jingmyntoi na kane ka prokram, bad da ka jingkmen, bun ki la pynkut da kaba ong: “Nga la shem ïa ka jingshisha!”
Ym don spah kaba kham khraw ban ïa ka jingshisha jong ka Baibl kaba lah ban pyllait ïa ngi na ka jingngeit bieit, ki jinghikai bakla, ka jingtieng ïa kiba ïap, ka dujok bad kiwei kiwei de. Ka ai ia ngi ka jingkyrmen, ka jingthmu bad ka jingkmen. U Jisu u la ong: “Bad phin ioh ithuh ïa ka jingshisha bad ka jingshisha kan pyllait noh ïa phi.”–Ioannis 8:32.
La pynmih ha u snem 2008 |
 |