Tai Ne’e Sa God? - Jehova Witnis: Web Site Mamana Fiku Tai Ngwae Wastaoa.

Web Site Mamana To’a Jehova Ki

Beliefs

Future

Ta Tae Ne’e God Oga An Kulu’a?

Lesin 2

Tai Ne’e Sa God?
	Sa tai ne’e God mamana, ma satana sa tai? (1, 2)
	Ta noni’i ru fauta ne’e ni to’oan? (3)
	Ti falafala le’a liu fauta ne’e ni to’oani? (4)
	’Uri ma kuke fo’osia ani nunu’i ru ki? (5)
	Ro ma’e tala fauta ki nini fuana sai’ian sa God? (6)

1. Ngwae ki fo’osatana ru oro ki. Bore ma Baebol ni fata go’o sulia ta’i God MAMANA. Nia ne’e saungani ru ki sui i langi ma i ano. Fafana ne’e ni kwatea mauria fuakulu, ni’a Taifilia go’o ne’e kuke fo’osia.—1 Corinthians 8:5, 6; Revelation 4:11.

2. God to’oana fa’adoe’a oro ki bore ma ta’i sata’i ru go’o ne’e ni to’oana. Satana ne’e sa JEHOVA. Saena Baebol oro ki, satana sa God kira osia kira ka rokisia ania fa’adoe’a di’ia LORD ma GOD. Bore ma kaidai kira keresia Baebol, na sata’i ru ne’e Jehova kira keresia 7,000 kaidai ki!—Exodus 3:15; Psalm 83:18.

3. Jehova to’oana noni, bore ma ni isi di’ia la’u noni kulu. “God ne’e Anoi Ru,” Baebol ni saea. (John 4:24) Anoano ru ne’e ni ru mauri ne’e ma ni lifu kulu mala. No’a ta ngwae kesi lialia ūa to’ona sa God. Jehova tua i langi, bore ma ni lisia ru ki ta’ifau. (Psalm 11:4, 5; John 1:18) Bore ma, tae ne’e anoi ru abu? Ni’a no’a la’u ngwae di’ia sa God. Bore ma, nia iruirufana ngasingasianga sa God.—Psalm 104:30.

4. Baebol fa’atani falafala ma abulana sa Jehova fuana kulu’a. Nifa’atani falafala le’a liu sa Jehova ki kwaima’anga, saga’a, liato’oanga ma ngasingasianga. (Deuteronomy 32:4; Job 12:13; Isaiah 40:26; 1 John 4:8) Baebol ni saea ne’e ni’a to’o longo ana ogale’a’anga, kwaima’anga, rufuanta’anga, sasile’a’anga ma mabe’anga tau. Kulu’a, di’ia ngela kwairo’oi ki, kuke ili’ili ’uana dongalana ni’a.—Ephesians 5:1, 2.

Kulu saiana sa God fafana saungaianga nia ma fafana Baebol

5. ’Uri ma kuke bobo’uru’uru naema kuke fo’osia ru kala ki, nunu’i ru ki, naema ti ru la’u saena fo’osianga kulu ki? No’a go’o! (Exodus 20:4, 5) Jehova nia saea kuke fo’osia go’o ni’a ta’ifilia. Noa’a niakasi adoa kwanga’a ni’a fainia ta ngwae go’oan naema ta ru go’o ana. Nunu’i ru ki kesi to’o go’o ana ta ngasingasi’anga fuana ’afilaka.—Psalm 115:4-8; Isaiah 42:8.

6. Kuke saile’a fau’ua ana sa God? Etaeta di’ia ne’e oko īro le’a ana saunga’ianga, manata lalo sulia ru nia sae’e ki. Saungai’ianga sa God ni fa’atainia ni to’oana ngasingasianga doe liu ma liato’oanga. Kuka lisia kwaima’anga nia an ru ne’e ni sasi’i ki’i. (Psalm 19:1-6; Romans 1:20) Tai la’u ne’e ki sai’ian sa God kaidai kulua sailea an Baebol. I saena ni fa’atainia lau na God fauta ne’e ni’a. Nia fata longo sulia na’iru anga nia ma tae ne’e ni oga ki sasia.—Amos 3:7; 2 Timothy 3:16, 17.

Kira Saungani an 1996
Copyright © 2006 Watch Tower Bible and Tract Society of Pennsylvania. All rights reserved.