Sa Tai Ne’e na Akalo?

1. Na fata’a ninia “devil” nia fada ania ta ngwae ne’e saea sokea ta’a ki sulia tai mamata. “Saetan” fada ania malimae naema ngwae susfolofolo. Ala’anga ne’eri ki ne’e sata fuana malimae ’a’ana sa God. Bore ma, i na’o nia aingseol le’a tua i langi fa’inia sa God. Bore i burian nia ka manat doe an ni’a talana ma ka oga fo’osi’a ne’e sa God ne’e to’oan.—Matthew 4:8-10.

2. Angiselo ne’e sa Saetan, fata fuana i Eve ania fa’i ’ngu’nguru. Nia sokea i Eve ka kwatea i Eve ka aburongoa sa God. Ka ’unari sa Saetan ka fualia “inoto’anga” sa God naema tua nia di’ia na Ngwae Inotoa Liu. Saetan saefilo di’ia sa God tala’ana ke lia le’a fafia ngwae nia ki, ma ka abera sulia ngwae nia ki. Sa Saetan ka ’uri la’u, ngwae saiana ka tua mamana ana bali sa God. ’Unari sa Saetan talana ne’e ke malimae ana sa God. Ta ne’e kira saea ania Saetan na Akalo.—Genesis 3:1-5; Job 1:8-11; Revelation 12:9.

3. Sa Saetan il il ’uan ke bakua ngwae ki ine’e ki’a fo’osia. (2 Corinthians 11:3, 14) Ta ma’e tal ne’e ni tala’i rora ana ngwae ki ne’e saena fa’amanat’anga soke. Di’ia ta fa’amanat’anga soke sulia sa God, ni sasia rao’a sa Saetan. (John 8:44) Ngwae ana fa’amanat’anga soke ki kira fia fasi kira fo’osia na God mamana. Bore ma kira fo’osia go’o sa Saetan. Nia ne’e ‘god ana molagali.’—2 Corinthians 4:4.

Fa’amanata’anga soke, akalota’eanga, ma fanoa ni tala’ rora ana ngwae ki

4. Akalota’e’anga’a ne’e sa Saetan kaua ngwae ki olofana ngasingasi’angania. Ti ai kia saefiloa akalo ke afida, ke saungia ti ai mamata, kia fa’abasu ania ru i na’ona ki, naema kia sasia fa’anada’a. Sa Saetan ne’e iruiru ta’a burina ru ne’e ki. Fuan ne’e kuke fa’a saele’a sa God, kuke no fa’asia akalota’e’anga.—Deuteronomy 18:10-12; Acts 19:18, 19.

5. Sa Saetan tala’i rora longo ana ngwae ki ana falfal ana nau nau anga an kwalafa ma fo’osilana gavaman ki. Ti ngwae fia fanoa naema kwalafa kira ki liufia ti ai. Bore ma ni no’a kesi mamana. (Acts 10:34, 35) Ti ngwae lia uan gavaman ke fa’asaga ilito’onga kira ki. Di’ia ’unari, kira aila go’o ania Tatalfa anga sa God. Ni’a go’o ne’e ke fa’asuia ru oro ta’aa kulu ki.—Daniel 2:44.

Kwaifone an sa Saetan ma ko sailea an sa Jehova

6. Ta tala la’u ne’e sa Saetan tala’i rora ana ngwae ki ne’e ilto’onga’a fa’inia lia’i ngwae rora. Sa Jehova fa’abasu kulu kuke tua fasi sasi lana falfal rora ki’i sine’e nia saiana ru ’unari ki ke fa’ali kia. (Galatians 6:7, 8) Ti ngwae kia oga oke fiku fanida ana falfal ta’a ki. Manata basi, sa Saetan go’o ne’e oga oke sasia ru ira ki.—1 Corinthians 6:9, 10; 15:33.

7. Sa Saetan saian ke saka mai ania fa’atotongi’anga naema susfolofolo’anga ine’e ke ’efo’o fa’asia sa Jehova. Ngwae kwaima oe ki sali kike saeta’a liu fuamu sulia ne’e oko lulu’uana madakola’a ana Baebol. Ti ai kia oidorele ani’o. Bore ma sa tai ne’e oko ngali langa ana mauri’a ana? Sa Saetan oga ke fa’ama’ua ae’o ine’e ae mango fa’asia dongolana sa Jehova. No’a okosi ala’ania sa Saetan ka liu! (Matthew 10:34-39; 1 Peter 5:8, 9) Di’ia oko ū fonea sa Saetan, oko kwatea sa Jehova ka saesae le’a ka fa’atani ne’e oko fa’aa ra’ea inoto’anga Nia.—Proverbs 27:11.

Copyright © 2006 Watch Tower Bible and Tract Society of Pennsylvania. All rights reserved.