Idu Karangia God Ania Fo’onga’a

1. Ala’anga fuan God ania enoeno anga ne’e fo’onga’a. Bolofani ae fo’o funifara’a fuan sa God. ’Unari oko fi’i karangi ana ni’a di’ia na ngwae kwaima le’a oe. Jehova nia doe liu ma ka ngasingasia liu, bore an nia sailinga fuan fo’o lakulu! ’Uri ma oko fo’o funifara’a fuan God?—Psalm 65:2; 1 Thessalonians 5:17.

2. Fo’onga’a ne’e ado an fo’osi’anga kulu. ’Unari, kuke fo’o go’o fuan sa God, Jehova. Kaidai ni tua i ano, sa Jesus fo’o funifara’a fuan Ma’a nia, no’a la’u fuan ta ai mamat. Kuke ’unari longo di’ia. (Matthew 4:10; 6:9) Bore ma, kuke saea fo’onga’a kulu ki ta’ifau ’ania satana sa Jesus. Ni fa’atani ne’e kulu fa’aofia sa Jesus ma kuka alua fito’onga ana folifolia fo’osi nia.—John 14:6; 1 John 2:1, 2.

3. Kaidai kuke fo’o fuan sa God fatalakulu ke saka ma’i saena rūrū’ukulu. Kukesi oli’olia go’o akulu an tai fo’onga naema to’oma’ilana saena ta buka. (Matthew 6:7, 8) Kulu saian kuke fo’o u’u nam kuke tua, an ta kaida’i go’o an, ma an ta kula bore ana. God ke rongo’a fo’onga’a kwaroro ki bore saena rūrū’ukulu. (1 Samuel 1:12, 13) Ta ne’e ni le’a fuana fo’onga’a saena kula aroaro tau fa’asia ngwae ki.—Mark 1:35.

4. Ti ru fau’ua ne’e oke fo’o ’uani? Ta ru go’o an ne’e saian ke ’afi ’oe fuan kwaima’anga lea ’oe fainia. (Philippians 4:6, 7) Na fo’onga’a sa Jesus fa’atani ne’e kuke fo’o sulia satana Jehova ma na’iru anga nia. Kul saian kuke saefilo longo ’uan bo’obo’o ang kulu ki ana noni, fuan rufuanta’anga an abulata’anga’a ma kwai’afi’anga fuan fonelana ilito’onga ki. (Matthew 6:9-13) Kukesi fangata’a la’u ania fo’onga’a kulu ki. Kuke fo’o go’o ’uana ru ne’e totlia kwaiogai’anga sa God.—1 John 5:14.

5. Oke fo’o an ta kaidai bore’ana ne’e ru’rū’umu ’asuingi’o ma ko ba’atafea sa God. (1 Chronicles 29:10-13) Oke fo’o an kaidai an ru’ato ki ma fito’onga oe ni geogeo. (Psalm 55:22; 120:1) Ni bolofani ae fo’o i na’ona fanga’a oe ki. (Matthew 14:19) Jehova ba’e kulu fuan kuke fo’o “an kaidai ki taifau.”—Ephesians 6:18.

6. Tas na’a ne’e kuke bo’obo’o kuke fo’o di’ia kul fulia abulata’anga’a doe. An kaidai ’unari ki kuke amasia Jehova ’uana ogale’a’anga nia ma rufuanta’anga nia. Di’ia kul fūlangani abulata’ang kul ki fuan ma kikesi sasia na’a i buri, God nia “kwaima’akwali fuan ogale’a’anga.”—Psalm 86:5; Proverbs 28:13.

7. Jehova salinga go’o fuan fo’onga’a ngwae ’olo’olo ki. Fuan sa God ke rongoa fo’onga’a oe ki, oke ili ili ’uan ne’e ae tua sag sulia taki nia ki. (Proverbs 15:29; 28:9) Oke enoeno nama kaidai ae fo’o. (Luke 18:9-14) Ae rao nama ’uan ru oe ne’e ok fo’o ’uan. ’Unari oko fa’atani ne’e ok to’o’an fito’o’ang ma oko firifalangi an ru ne’e ok saea. Ka ’unari mala Jehova fi’i olisia fo’onga’a oe ki.—Hebrews 11:6.

Copyright © 2006 Watch Tower Bible and Tract Society of Pennsylvania. All rights reserved.