Fa’amamana’anga ma Kastom Ne’e Fa’aliadila God

God ne’e no’a la’u ta Uluru

1. No’a la’u fa’amaman’anga ma kastom ki ta’ifau ne’e ta’a. Bore ma sa God kesi alafafida di’ia kira ru’u ma’i ana fa’amanat’anga soke naema kikesi donga fa’amanat’anga saena Baebol.—Matthew 15:6.

2. Uluru Ki: ’Urima Jehova nia na Uluru Ki—ulu ngwae ki saena ta’i God? No’a! Jehova, na Ma’a, nia “ta’i God mamana go’o.” (John 17:3; Mark 12:29) Sa Jesus ne’e fa’i na’ona’o ’Alako Nia, ma nika olofana sa God. (1 Corinthians 11:3) Na Ma’a nia ’a’an ka liu an na ’Alako. (John 14:28) Na ano’i ru abu nia no’a la’u ta ngwae; ni’a iruirufana ngasingasi’anga sa God.—Genesis 1:2; Acts 2:18.

Krismas ma Ista kera saka ma’i ana fa’amanat’anga soke i nao ki

Noa’a go’o ta ru le’a ana fo’osilana ngwae mae ki naema mau’ungilada

3. Krismas ma Ista: Sa Jesus no’a isi futa la’u ana Diseba 25. Nia futa bolo fani Oktoba 1, ta kaidai an fa’i ngali ne’e ngwae folofolo ki kira gonia abu’i sipsip kira’a ki i ma saena rodo. (Luke 2:8-12) Sa Jesus noa’a dangalu isi fata’a talingai fuan Kristin ki kia dau sulia futalana. Bore ma, nia saea fuan ngwae donga nia ki kike manata to’oan maelana. (Luke 22:19, 20) Krismas fa’inia ’a’emae i na’ona’o ki, ni’i eta ma’i an fa’amanat’anga soke i na’o. Na Ista bore ’a’emae nia ki soke longo, di’ia fu kike alua fakela ma ru di’ia rabete ki. Na Kristin ki ma’i i na’o kikesi dau sulia Krismas naema na Ista, ma Kristin maman ki i ta’ena kikesi sasi longo ’unari.

4. Asoa an Futa’a: Saena Baebol ni fata sulia na ro asoa an futa’a ki go’o ne’e to’a kira iri fo’osia Jehova suli’i. (Genesis 40:20-22; Mark 6:21, 22, 24-27) Na Kristin i na’ona’o ki kira isi dau sulia asoa an futa’a. Na falafala sulia fa’adoe lana asoa an futa’a ni eta ana fa’amanat’anga soke i nao ki. Kristin maman ki kia kwate kwate’a ki ma kika fiku ta’ifau ania saesaele’a’anga saena ti kaidai go’o an saena fa’i ngali.

5. Mau’ungilana Ngwae Mae Ki: Na ngwae mae ki kira kesi sasia ta ru naema kika fi’ia ta ru. Kukesi afida, ma kira’a kesi malata’a an kulua. (Psalm 146:4; Ecclesiastes 9:5, 10) Na soul ke mae; no’a nia kesi tua la’u ana burina mae’a. (Ezekiel 18:4) Bore ma ti kaidai aingseol ta’a ki, satada demon ki, kike mala anona ngwae mae ki. Ta ’a’e’mae ne’e ke ini sulia mau’ungilana naema fo’osilana na ngwae mae ki nia rora.—Isaiah 8:19.

6. ’Ai Rarafolo: Sa Jesus no’a isi mae an ta ’ai rarafolo. Nia mae lala an ’ai sagasaga, naema diro. Na ma’e fata’a i Greek ne’e kira rokisia ma’i ania “’ai rarafolo” saena Baebol oro ki, nia fada ania ta’i afu ’ai go’o. Na ma’etoto ana ’ai rarafolo ni saka ma’i ana fa’amanat’anga soke i na’o. Kristin ki ma’i i na’o no’a kira isi fo’osia naema kika nau ania na ’ai rarafolo. Ka ’unari, oko manata fauta nia saga fuana nau’a ania ’ai rarafolo fo’osi?—Deuteronomy 7:26; 1 Corinthians 10:14.

7. Iu sali ni ’afita’i ne’e kuke fa’asi dangalu an fa’amaman’anga ma kastom ne’eri ki. Futa’a kulu ki ma ngwae kwaima ki kia ili uana kia ke filoto’o fuan rokisi lan fa’amaman’anga oe ki. Bore ma fa’asaele’alana God ne’e le’a ka tasa, ka liufia fa’asaele’lana ngwae ki.—Proverbs 29:25; Matthew 10:36, 37.

Copyright © 2006 Watch Tower Bible and Tract Society of Pennsylvania. All rights reserved.