Fa’adoea Mauri’a Fa’inia ’Abu - Jehova Witnis: Web Site Mamana Fiku Tai Ngwae Wastaoa.

Web Site Mamana To’a Jehova Ki

Beliefs

Future

Ta Tae Ne’e God Oga An Kulu’a?

Lesin 12

Fa’adoea Mauri’a Fa’inia ’Abu
	Kuke lia fauta ana mauria? (1) daringela’anga? (1)
	Kristin ki fa’ata’i fau’ua ne’e kira manata doe an kwai’abera’anga? (2)
	’Uri ma ni rora fuan saungilana ru mauri kwasi ki? (3)
	Ti sasiru’anga tae ne’e fa’atani abu-fa’adoelana mauria? (4)
	Ta tae ne’e taki sa God sulia ’abu? (5)
	’Uri ma ni’a sūfafia longo ngali’abu’a? (6)

1. Sa Jehova ne’e Busulana mauria. Mauria ru mauri ki ta’ifau saka ma’i ana sa God. (Psalm 36:9) Mauria nia abu liu ana sa God. Na mauria ngela ne’e teo bore saena sirana te’a, nia sakongai ana sa Jehova. Ne’e ki saungia na ngela ne’eri fafana ta ru ni rora liu i mān sa God.—Exodus 21:22, 23; Psalm 127:3.

Fuan ne’e kuke fa’asaesaele’a sa God, kuke nofa’asia ngali’abu’a, falfal bulibuli ki, ma kuke abera ania mauri la kulu

2. Kristin maman ki kira madafia kwai’abera’anga. Kira saile’a an tarake, ma luma kira ki kesi fa’alia ta ngwae. (Deuteronomy 22:8) Na ngwae rao sa God ki kesi nonirā ania maurilada go’o fuan saelea’anga naema nonilafe’anga. Ka ’unari kira kesi adomikira fa’inia masa’a ne’e fu’abani’anga ma malata’a’anga ana ti ngwae. Kia nofa’asia masa’a ki ne’e ke engoa kira’a fuan fu’abani’anga.—Psalm 11:5; John 13:35.

3. Na maurilana ru kwasi ki nia abu longo an na Ngwae Saunga’i. Ta Kristin saian ke saungia ti ru kwasi fuan kwatelana fanga ma ifi naema fonelanatalana fa’asia matai’inga maru fuan maelilana. (Genesis 3:21; 9:3; Exodus 21:28) Bore ma ni rora fuan ne’e ki malta’a’an ru kwasi ki naema ki saungida go’o fuan masa’a naema saelea’anga.—Proverbs 12:10.

4. Biala, dami, ma ru lilinga fuan go’o saelea’anga ne’e keno fa’asia Kristin ki. Fulilana ru ne’e ki ni rora du’ungana (1) kia firi kulu olofada, (2) kia malata’a ana nonikulu, ma (3) kira’a bulibuli. (Romans 6:19; 12:1; 2 Corinthians 7:1) Ni ’afita’i liu sali fuan fa’asilana falafala ne’e ki. Bore ma kuke sasisulia ine’e kuke fa’asaele’a Jehova.

5. ’Abu ne’e abu longo mān sa God. Sa God ne’e saea na soul, naema mauria, ni saena ’abu. Ni rora fuan ki ’ania ’abu. Ni rora logo ne’e ki ’ania afuna ta ru kwasi di’ia kira kesi afa tafa le’a an. Di’ia ta ru kwasi nia firu ka li’o naema ka mae saena itoito, kukesi ’ania. Di’ia ki labua naema ki ’uia, ki afa tafa ’ali’ali ana di’ia ki ke ’ania.—Genesis 9:3, 4; Leviticus 17:13, 14; Acts 15:28, 29.

6. ’Uri ma ni rora ne’e ki alafafia ngali’abu’a? Manata basi, Jehova oga kuke abufa’asia ’abu. Nika fada ani ne’e kukesi alua ’abuna ti ngwae naema ’abukulu kira ngali kika goni’i, saena nonikul ’ania ta ru’unga’a bore ana. (Acts 21:25) Ka ’unari Kristin maman ki kira kasi alafafia ngali’abu’a. Kia alafafia ta meresin mamat, di’ia ngalilan ta ru no’a ta ’abu dola. Kira’a oga mauri’a, bore ma kikesi dau fafia mangoda ba kia oia taki God ki.—Matthew 16:25.

Kira Saungani an 1996
Copyright © 2006 Watch Tower Bible and Tract Society of Pennsylvania. All rights reserved.