Ae Dao Fau’ua To’an Fa’amanat’ang Maman? - Jehova Witnis: Web Site Mamana Fiku Tai Ngwae Wastaoa.

Web Site Mamana To’a Jehova Ki

Beliefs

Future

Ta Tae Ne’e God Oga An Kulu’a?

Lesin 13

Ae Dao Fau’ua To’an Fa’amanat’ang Maman?
	’Uri ma fa’amanat’ang ki ta’ifau kira fa’asaele’a sa God, naema ta’i ai go’o? (1)
	Ka fau’ua ne’e fa’amanat’ang oro ne’e ki kika nau ani kira’a Kristin ki? (2)
	Ae malinga’i fau’ua an Kristin maman ki? (3-7)

1. Sa Jesus etangia ta’i Kristin fa’amanat’anga maman. Ka ’unari i taena ta’i fikuta’i ru an ngwae fo’osi maman ki an sa Jehova God nama ne’e teo. (John 4:23, 24; Ephesians 4:4, 5) Na Baebol fa’amanat ne’e kal bara ngwae go’o ba donga na ta’itala sukusuku ’uan mauri’a.—Matthew 7:13, 14.

2. Na Baebol eta saea ne’e, buri’ana maelana aposel ki, fa’amanat’ang rora ma ti raoa ta’a kia sarafa’i ru’u ma’i saena Kristin kongregesin. Ngwae ki lalafia kwau ai fa’amamana ki ka ’i sulida’a kika fa’iburi ania sa Kraes. (Matthew 7:15, 21-23; Acts 20:29, 30) Ta nini kuke lisia fa’amanat’ang oro to’oto’o ki nau ania Kristin. Kuke malinga’i fau’ua an Kristin maman ki?

3. Na ma’etoto ū tafanga’i an Kristin maman ki ne’e kira to’oan kwaima’anga maman safitada kira’a talada. (John 13:34, 35) Kira iri ngalia fa’amanat’ang fuan li’a toliana ti fu’u’ingwae naema na ngwae ’uli’ulida mamat ki. Naema kika aila fifi an na ngwae an ti fanoa mamat. (Acts 10:34, 35) Ka ’unari no’a kia kasi ’ado longo saena fu’anga’a ki. Kristin maman ki ke tua fiku di’ia ngwae futa ma kini futa.—1 John 4:20, 21.

Kristin maman ki kira kwaima kwailiu ada’a, fa’adoea na Baebol, ma kika lifurongo ania Tatalfa’anga sa God

4. Ta ma’etoto la’u an fa’amanat’ang maman ne’e fiku ta’i ngwae to’oan fa’adoea liua na Baebol. Kira alafafia ni’a ne’e Fatalana sa God ma kika fa’amamana ru ni saea. (John 17:17; 2 Timothy 3:16, 17) Kira lia doe an Fatalan sa God ni’a liufia mantan ngwae naema kastom ki. (Matthew 15:1-3, 7-9) Kira ilil’uan tua ani Baebol saena mauria kira ki an asoa ki ta’ifau. Ka ‘unari kira kasi saea ta ru ma kika sasia lala ta ru mamat.—Titus 1:15, 16.

5. Na fa’amanat’ang mamana ke fa’adufa logo satana sa God. (Matthew 6:9) Sa Jesus kwatea satana sa God, Jehova, kika saian. Kristin maman ki kike sasi longo ’unari. (John 17:6, 26; Romans 10:13, 14) Sa ta’i fa’ida saena fanoa oe ne’e kira saea fuan ti ai sulia satana sa God?

6. Kristin maman ki lifurongo nama ania na Tatalfa’anga sa God. Sa Jesus sasi ’unari. Ni’a ala’a funifara’a sulia Tatalfa’anga. (Luke 8:1) Nia ala’a talinga’i fuan ngwae rao nia ki kia lifurongo ania fa’arongo’a ne’eri ana kula ki ta’ifau i ano. (Matthew 24:14; 28:19, 20) Kristin maman ki kira fa’amamana ne’e Tatalafa’anga sa God ta’ifilia go’o ne’e ke kwatea ma’i na aroaro anga maman ma kula fuan agoa.—Psalm 146:3-5.

7. Na ngwae rao sa Jesus ki kasi bali fa’inia tua’a ta’a ne’e. (John 17:16) Kira kasi dola fa’inia kwaingilongilo anga saena gavaman kima tua’a nini i ano. Kir’a matali fa’asia malata’nga’a, fulirū’a ki, ma ru ’unari ki nini i ano. (James 1:27; 4:4) ’Uri ma oko saian ae malingani ta fikuta’i ngwae an sukul fau’ua saena fanoa oe nini’a kira to’oan ma’etoto ki an Fa’amanat’ang maman?

Kira Saungani an 1996
Copyright © 2006 Watch Tower Bible and Tract Society of Pennsylvania. All rights reserved.