Jehova Witnis Ki Kira Saorai’i

1. An kaidai kulu, Jehova Witnis Ki dao la’u mai i saena 1870 ki. Eta eta, kira saeda ania na Baebol Student ki. Bore ma an 1931 kira ngalia na sata ne’e saka ma’i saena Baebol ne’e Jehova Witnis Ki. (Isaiah 43:10) Ni eta ti’iti’i leleka ka alua na’a mole’e Witnis, kira abera fuan lifurongoa saena 230 lifua ma’e fanoa oro kaliu la’u.

2. Orolan kongregesin an Jehova Witnis Ki to’oan ulu fiku’a saena tai wiki. Kira kwalo’o ae leka amu saeni’i. (Hebrews 10:24, 25) Na Baebol ne’e safalia ru ne’e kira fa’amanat ania. Fiku’a ki kia ifi ma kika fono ania fo’onga’a. Kira ngulia “fai ngu abu” ki ania ruru’uda saena fiku’a oro kira ki. (Ephesians 5:18, 19) Ru’unga’a saena fiku’a nia aloge go’o, ma no’a ta kwate’a.—Matthew 10:8.

3. Doelan kongregesin daua fiku’a kira ki saena na Kingdom Hall. Witnis Ki kira saungani fera ne’e kiri o’o go’o. No’a aesi lisia ta ru kala, ’ai rarafolo ki, naema ru ’unari ki saena Kingdom Hall. Fofoli’a ki na’a an kwate’a. Fuan ai ne’e oga kia kwate ki, kula fuan alulana ni teo.—2 Corinthians 9:7.

4. Ta’i kongregesin to’oan na fa’ina’ona’o ki, naema ngwae lialia ki. Kira ne’e fa’ina’oa fa’amanat’anga saena na kongregesin. (1 Timothy 3:1-7; 5:17) Kira to’oan ngwae rao kwai’afi ki. (1 Timothy 3:8-10, 12, 13) Na ngwae ne’e ki no’a kira kesi fa’araeda liufia to’a saena kongregesin. (2 Corinthians 1:24) No’a kesi to’oan ta sata’i ru filia fuada. (Matthew 23:8-10) Kira kesi toro mamata fa’asia ti ai. Naema kika ngalia fofoli’a ana rao’a kira. Na fa’ina’ona’o ki mau’udi liu fuana lia’a sulia bo’obo’oanga ana mangona kongregesin. Kira saiana kia kwatea kwaigwale’anga ma kwaitala’i’anga saena kaidai ato ki.—James 5:14-16; 1 Peter 5:2, 3.

5. Jehova Witnis Ki dau’a longo fiku’a doe ki naema ingata’i ūku’a saena ta’i fa’i ngali. Kaidai ’unari kongregesin oro ūku fiku fuana rongolana ta’i fa’amanat’anga an Baebol. Babataesi’anga ana ngwae ni rao faulu ki ne’e ta kula ana ta’i fiku’a naema ingata’i ūku’a.—Matthew 3:13-17; 28:19, 20.

6. Gwalungai fera ana Jehova Witnis Ki i ano nia teo i New York. I ne’eri ne’e na Governing Body, na kabui ngwae i safita kira fa’ina’ona’o ki kira ka lia ’afia na afutana kongregesin i ano. Ni liufia 100 rara’i fera ki ni kalitana na fanoa i ano. An kula ne’ekiri, ngwae ni aloge ki kwai’afi kika kere ma kika kwatea Baebol buka ki saena faka. Kira kwai’ia tala ni saorailana na lifurongo’a. Fau’ua ne’e aes leka dao an na rarana fera karangi’o?

Copyright © 2006 Watch Tower Bible and Tract Society of Pennsylvania. All rights reserved.