1. Ka dao ’unari, oko sai na’an ru le’a oro saena Baebol. Sai’i ru’anga ne’e saian ke tala’i oe fuanae to’oan falafala Kristin ki. (Ephesians 4:22-24) Sai’i ru’anga ne’eri nia le’a ka tas fuan ae to’oan mauria firi. (John 17:3) Bore ma, ti ai bo’obo’o longo kia rongoa fa’arongo’a le’a ine’e kia mauri longo. Afutana Kristin maman ki kia fa’arongoa nama ti ai. Ni’a fata’a talingai sa God.—Romans 10:10; 1 Corinthians 9:16; 1 Timothy 4:16.
2. Ae eta kwatea fuan ai karangi’o ki ana ru le’a oko saile’a an ki. Sae’e fuan tu’a oe, ngwae kwaima ki, ngwae sukul kwaima ki, ma ngwae rao kwaima ki. Ae kwaima’a ma ko mabe fuan sasilana. (2 Timothy 2:24, 25) Manat ne’e ngwae ki kia lia uan falafala ngwae liufia ne’e kia rongoa nia ala’a. ’Unari falafala le’a oe ki saiana ke idua ma’i ti ai kia rongoa ala’a anga oke saea.—Matthew 5:16; 1 Peter 3:1, 2, 16.
3. Ta kaidai, sali ae totolia lifurongo’anga fa’inia na kongregesin an Jehova Witnis Ki karangi’o. Nia na la’au’ang doe liu ana mauri lamu. (Matthew 24:14) Ta saele’anga fau’ua di’ia oke ’afia ta ai goan ka ū ne’e nia ngwae rao Jehova ma ka to’oan mauria firi!—1 Thessalonians 2:19, 20. |
