Nyine troa ini Tusi Hmitrötre la boroshüre celë. Tune ka la aqane troa inine ej? Hanawange la porogarame nyine xötrethenge: Ngöne la qaane la nöjei mekene la boroshüre, ke, hetrenyi la itre hnyinge ka nyimutre. Eje e pune la nöjei hnyinge la itre numero, ka meköle hnine la itre akawane nyine xatua së troa thele ngöne la itre paragaraf, la itre mekune ka troa sa la itre hnying. E hnine la itre akawane la itre hatren, ke tro epuni a öhne la itre paragarafe hna numeran, ene lo itre mekune ka troa sa la itre hnying. Pane e jë la itre hnying. Nge lapa mekune ju itre ej. Thupene lai, e jë la nöjei paragaraf, nge thele jë la itre mekene tusi hnine la Tusi Hmitrötre i epun. E ase hë epuni afenesine maine wange asë la ketre meken, ke, bëeke hmaca jë kowe la itre hnying, nge tupathe ju troa mekune hmaca la aqane sa hnene la Tusi Hmitrötre la itre hnying. E ase hë epuni wange asë la boroshür, ke, bëeke hmaca jë kowe la qaan, nge wange hmaca jë la nöjei hnyinge asë. |
