Tro Epuni a Atre Tune Ka La Hnei Akötresieti Hna Thele Thei Epun

1. Ame la Tusi Hmitrötre ke, ketre ahnahna ka tru alamekene hna hamëne hnei Akötresie. Hna aceitunëne eje memine la ketre tusi hna cinyihan, hnene la ketre keme ka tru ihnimine kowe la itre neköi nyidrë. Eje a qaja koi së la nyipici göi Akötresie—Drei la Akötresieti cili, nge nemene la itre tulu i Nyidrë. Eje a qejepengöne la aqane troa cile kowe la itre jol, memine la aqane troa öhne la nyipi manathith. Tusi Hmitrötre hmekuje hi la ka qaja koi së la nyine tro së a kuca, matre troa amadrinë Akötresie.—Salamo 1:1-3; Isaia 48:17, 18.

2. Hna cinyihane la Tusi Hmitrötre hnene la 40 lao atr ngöne la 1 600 lao macatre, hna nyiqaane lo macatre 1513 M.P.K., ene lo Itre macatre ka patre petre kö Keriso. Hna cinyihane la 66 lao itus. Qa thei Akötresie la itre mekune hna fejane hnene la itre ka cinyihane la Tusi Hmitrötr. Hnei angatre hna cinyihane la itre mekune i Nyidrë, ngo thaa itre sipu mekune i angatre kö. Haawe, Akötresieti e koho hnengödrai la qaane la Tusi Hmitrötr, ngo thaa ketre atr menu kö e celë fen.—2 Timoteo 3:16, 17; 2 Peteru 1:20, 21.

3. Hnei Akötresieti hna kuca matre troa fejane hnyawa la Tusi Hmitrötr, me thupëne eje uti hë enehila. Nyimutre catre kö la hna fejane la Tusi Hmitrötr, hune la itre xaa itus. Thaa tro kö la itre xaa atr a madrine tro epuni a inine la Tusi Hmitrötr, ngo thaa tro pi kö a nue angatre troa sewe epun. Jëne tro hi epuni lai a mele ka thaa ase palua kö, ene la troa atre Akötresie, memine la troa kuca la aja i Nyidrë, ngacama tru la itre ka icilekeu me epun.—Mataio 5:10-12; Ioane 17:3.

Copyright © 2006 Watch Tower Bible and Tract Society of Pennsylvania. All rights reserved.