1. Nyimutre hë enehila la itre ewekë ka loi, hnei epuni hna atre qa hnine la Tusi Hmitrötr. Tro la atrehmekune celë a xatua epun, troa eënyine la thiina ne keresiano. (Efeso 4:22-24) Ka sisitria catre la atrehmekune celë koi epun, pine laka, jëne tro epuni lai a hane mele epine palua. (Ioane 17:3) Ngo, nyipi ewekë catre fe koi itre xane tro angatre a hane drenge la maca ka loi, matre tro fe angatre a hane mel. Tro asë hi la nöjei nyipi keresiano, a cainöjëne la Baselaia kowe la itre xaa atr. Celë hi hna amekötine lai hnei Akötresie.—Roma 10:10; 1 Korinito 9:16; 1 Timoteo 4:16.
2. Ijije tro epuni a qaja kowe la itre atr hnei epuni hna atre hnyawa, la itre ewekë ka loi hnei epuni hna inin. Qaja jë itre eje kowe la fami i epun, me itre sine ce elo i epun, me itre ka ce ini me epun, me itre sine huliwa i epun. Loi e tro epuni a menyik, me atreine xomihni ngöne la epuni a cainöj. (2 Timoteo 2:24, 25) Ngo thupëne kö ke, ame la itre atr, angatre a goeëne me wangatrune la aqane ujë ne la ketre atr, hune la itre hnei angeice hna qaja. Qa ngöne lai, tro hë la aqane ujë i epuni a thuejëne me upe la itre atr, troa drenge la maca hnei epuni hna tro fë.—Mataio 5:16; 1 Peteru 3:1, 2, 16.
3. Troa traqa la ijin, tro hë epuni a nyiqaane cainöje memine la itre Temoë i Iehova ne la ekalesia i epun. Ketre götrane lai ka sisitria, ka amamane la aqane kökötre epuni ngöne la nyipici. (Mataio 24:14) Drei la ketre madrine ka tru, e tro epuni a xatuane la ketre atr troa nyi hlue i Iehova, me hane kapa la mele ka thaa ase palua kö!—1 Thesalonika 2:19, 20. |
