Y tõe n bãnga Wẽnnaam sẽn dat tɩ y maan bũmb ningã - Site officiel des Témoins de Jéhovah

Site officiel des Témoins de Jéhovah

Beliefs

Future

Bõe la Wẽnnaam dat tɩ tõnd maane?

Pipi zãmsgã

Y tõe n bãnga Wẽnnaam sẽn dat tɩ y maan bũmb ningã
	Yaa kiba-bʋs sẽn tar yõod n be Biiblã pʋgẽ? (1)
	Yaa ãnd n so Biiblã? (2)
	Bõe yĩng tɩ y segd n zãms Biiblã? (3)

1. Biiblã yaa kũun kãseng Wẽnnaam sẽn kõ-do. A yaa wa lɛtr ba-nongr sẽn gʋls n tool a kamba. A togsda tõnd sɩdã Wẽnnaam zugu: a sẽn yaa a soaba, la a wilgd tõnd a noyã. A wilgda d sẽn na n maan to-to n tõog n mao ne zu-loeesã, la d sẽn tõe n maan to-to n paam sũ-noog hakɩka. Yaa Biiblã bal n wilgd tõnd d sẽn segd n maan bũmb ning n noog Wẽnnaam sũuri.—Yɩɩl Sõamyã 1:1-3; Ezai 48:17, 18.

2. Yaa neb 40 n gʋls Biiblã yʋʋm 1 600 pʋgẽ, sẽn sɩng ne yʋʋmd 1513 sẽn deng a Zezi rogmã. Yaa sɛb 66 n be a pʋgẽ. Yaa Wẽnnaam n vẽneg neb nins sẽn gʋls Biiblã. Yaa Wẽnnaam goam la b sẽn gʋlsã, pa bãmb mens goam ye. Rẽ n so tɩ yaa Wẽnnaam sẽn be saasẽ wã n so Biiblã. Pa tẽng zug ka ninsaal ba a ye n so-a ye.—2 Tɩmote 3:16, 17; 2 Pɩɛɛr 1:20, 21.

3. Wẽnnaam kɩtame tɩ b ges Biiblã n lebs n gʋls a taab sẽn wõnd-a kɛpɩ, la b kogl-a t’a pa menem ye. B sẽn yiis Biiblã sõor yɩɩda sɛb a taabã fãa. Yãmb sẽn zãmsd Biiblã pa na n yɩ nebã fãa noog ye, la ra bas-y tɩ rẽ gɩdg-y ye. Yãmb sã n dat vɩɩm sẽn-kõn-sa wã, y segd n bãnga Wẽnnaam la y maan a raabã, baa ne kɩɩsgã sẽn yaa to-to fãa.—Matɩe 5:10-12; Zã 17:3.

B maan-a-la yʋʋmd 2006
Copyright © 2008 Watch Tower Bible and Tract Society of Pennsylvania. All rights reserved.