D wilg tɩ d nanda vɩɩmã la zɩɩmã - Site officiel des Témoins de Jéhovah

Site officiel des Témoins de Jéhovah

Beliefs

Future

Bõe la Wẽnnaam dat tɩ tõnd maane?

Zãmsg 12

D wilg tɩ d nanda vɩɩmã la zɩɩmã
	Tõnd tagsg segd n yɩɩ bõe ne vɩɩm buud fãa? (1) ne pʋs yiisgu? (1)
	Wãn-wãn la kiris-nebã wilgd tɩ b yaa gũusdba? (2)
	Rũms kʋʋb yaa wẽng bɩ? (3)
	Minim wẽns sẽn wilgd tɩ ned pa nand vɩɩmã la bʋse? (4)
	Bõe la Wẽnnaam noyã yet zɩɩmã wɛɛngẽ? (5)
	Sak tɩ b ning-f zɩɩm tɩbsg yĩng bee rẽ sʋk bɩ? (6)

1. Vɩɩmã yita a Zeova nengẽ. Yaa Wẽnnaam n kõ bõn-vɩɩsã fãa vɩɩmã. (Yɩɩl Sõamyã 36:10) Vɩɩm yaa bõn-kãseng Wẽnnaam nifẽ. Baa biig sẽn ket a ma pʋgẽ vɩɩm yaa bõn-kãseng Wẽnnaam nifẽ. Rẽnd biig sẽn be a ma pʋgẽ yõor yãkr ne yamleoog yaa wẽng Wẽnnaam nifẽ.—Yikri 21:22, 23, Sebr Sõngo; Yɩɩl Sõamyã 127:3.

D sã n dat n ta Wẽnnaam yam, d segd n laka d mens ne zɩɩm, minim wẽnse, la yɛl sẽn tõe n wa ne zu-loees zaalem

2. Kiris-neb hakɩkã yaa gũusdba. B modgd n gũusdame tɩ b mobila wã, b montɛyã la b zagsã ra tall zang sẽn tõe n pogl bɩ kʋ ned ye. (Tõodo 22:8) Wẽnnaam sõgen dãmbã pa kẽesd b mens yɛl sẽn tõe n wa ne zu-loees b vɩɩmã zug zaalem, yamleoog bɩ yõ-noogr yĩng bal ye. Rẽ n so tɩ b pa maand yĩn-wɩsgr sẽn naag ne nen-kɛglem, sẽn baood tɩ b pogl b taabã ye. B lakda b mens ne reem buud fãa sẽn naag ne nen-kɛglem.—Yɩɩl Sõamyã 11:5; Zã 13:35.

3. Rũmsã vɩɩm me yaa bõn-kãseng Naandã nifẽ. Kiris-ned tõe n kʋʋ rũng n wãbe, pa rẽ bɩ n yãk a gãongã bɩ a kõbdã n maan futu. Sã n mik me tɩ rũngã tõe n waa ne bãag bɩ yell n kõ-do, d tõe n kʋ-a lame. (Sɩngre 3:21; 9:3; Yikri 21:28) La yaa wẽng tɩ d nams rũng bɩ n kʋ-a reem bɩ yamleoog yĩnga.—Yelbũna 12:10.

4. Kiris-nebã pa segd n yũ sɩgaare, b pa segd n dɩ taba, b pa segd n yũ dorge. Minimd kãensã yaa wẽnse, bala 1) b kẽesda tõnd yembd pʋgẽ, 2) b sãamda tõnd yĩnsã, la 3) b yaa rẽgdo. (Rom dãmba 6:19; 12:1; 2 Korẽnt dãmba 7:1) Minimd kãensã basg tõe n yɩɩ toog wʋsgo. La sẽn na yɩl n ta a Zeova yam, yaa tɩlae tɩ d bas-ba.

5. Zɩɩmã me yaa bõn-kãseng Wẽnnaam nifẽ. Wẽnnaam yeelame tɩ sɩɩgã bɩ vɩɩmã bee zɩɩmã pʋgẽ. Yaa rẽ n kɩt tɩ d pa segd n dɩ zɩɩmã. Rũng sẽn ki gɩf bɩ b sẽn pa yiis a zɩɩm sõma nemd wãbr yaa wẽnga. B sã n sãrg rũnga, bɩ a sã n kii bẽdg pʋgẽ, b pa segd n wãb-a ye. B sã n tão-a lame, b tog n kodg-a-la tao-tao, b sã n dat n wãb a nemdã.—Sɩngre 9:3, 4; Maankʋʋre 17:13, 14; Tʋʋma 15:28, 29.

6. Yaa wẽng tɩ d sak tɩ b ning-d zɩɩm bɩ? Tẽeg-y t’a Zeova yeelame tɩ d segd n laka d mens ne zɩɩm. Woto rat n yeelame tɩ d pa segd abada n sak tɩ b rɩk ned a to zɩɩm, baa tõnd mengã zɩɩm b sẽn da yãk n bĩngi, n ning-d ye. (Tʋʋma 21:25) Rẽ n so tɩ kiris-neb hakɩkã pa sakd tɩ b ning-b zɩɩmã. B sakda logtor yir tɩpg buud a taaba. Wala makre, b sakdame tɩ b ning-b serom sẽn pa naag ne zɩɩm. Yaa sɩd tɩ b rat n vɩɩmdame, la b pa kɩɩsd Wẽnnaam noyã sẽn na yɩl n fãag b yõorã ye.—Matɩe 16:25.

B maan-a-la yʋʋmd 2006
Copyright © 2011 Watch Tower Bible and Tract Society of Pennsylvania. All rights reserved.