1. Masã y bãnga bõn-sõma wʋsg sẽn yit Biiblã pʋgẽ. Yãmb sẽn paam bãngr ningã segd n sõng-y lame tɩ y toeem n lebg nin-paalga. (Efɛɛz rãmba 4:22-24) Y sã n dat n paam vɩɩm sẽn pa satã, bãngr a woto yaa tɩlae. (Zã 17:3) La bãng-y tɩ neb a taab me n segd n wʋm koe-noogã sẽn na yɩl n tõog n paam fãagre. Kiris-neb hakɩkã fãa segd n moona koe-noogã neb a taabã. Yaa Wẽnnaam n kõ noor tɩ b maan woto.—Rom dãmba 10:10; 1 Korẽnt dãmba 9:16; 1 Tɩmote 4:16.
2. Togsd-y neb nins sẽn pẽ yãmbã bõn-sõma nins y sẽn zãmsdã. Y tõe n sɩnga ne y zaka rãmba, y zo-rãmbã, y karen-bi-taasã, la y tʋmd-n-taasã. Maan-y rẽ ne nonglem la sũ-bʋgsem. (2 Tɩmote 2:24, 25) Tẽeg-y tɩ nebã nong n geta ned yel-manesem n yɩɩd a sẽn yet bũmb ningã. Dẽnd y yel-manesmã sã n yaa sõma, tõe n kɩtame tɩ nebã kelg koɛɛg ning y sẽn taasd-bã.—Matɩe 5:16; 1 Pɩɛɛr 3:1, 2, 16.
3. Tõe tɩ y wa pids yɛl nins b sẽn baoodã, n sɩng mooneg ne a Zeova Kaset rãmbã tiging ning sẽn pẽ ne yãmbã. Sẽn na yɩl n kẽng taoor tẽebã pʋgẽ, rẽ maaneg yaa tɩlae. (Matɩe 24:14) Y sũur sɩd na n yɩɩ noogo, y sã n tõog n sõng ned t’a lebg a Zeova sõgen n wa paam vɩɩm sẽn-kõn-sa wã!—1 Tesalonik rãmba 2:19, 20. |
