Rɩk-f-meng-n-kõ wã, la lisgã

1. Y sã n dat n lebg Wẽnnaam zoa, y segd n bãnga sɩd ning sẽn be Biiblã pʋgẽ wã sõma (1 Tɩmote 2:3, 4), n tẽ bũmb nins y sẽn zãmsã (Hebre dãmba 11:6), n tek yam n kos y yel-wẽnã sugri (Tʋʋma 17:30, 31), la y toeem y vɩɩmã. (Tʋʋma 3:19) Y sã n maan rẽ n sa, nonglem ning y sẽn tar ne Wẽnnaamã segd n kɩtame tɩ y rɩk y meng n kõ-a. Yaa pʋʋsg pʋgẽ la f maand rẽ. Yãmb y yembr n segd n pʋʋs Wẽnnaam n yeel-a tɩ y rɩka y meng n kõ-a n na n maan a raabã.—Matɩe 16:24; 22:37.

2. Yãmb sã n dɩk y meng n kõ Wẽnnaam n sa, y segd n deega lisgu. (Matɩe 28:19, 20) Lisgã na n kɩtame tɩ nebã fãa bãng tɩ y rɩka y meng n kõ a Zeova. Rẽnd yaa neb nins sẽn bɩ n tõe n yãk yam b toor n maan Wẽnnaam daabã bal n tõe n deeg lisgu. Ned sã n na n deeg lisgu, b segd n lisa a mengã tõr koomã pʋgẽ wakat bilfu.*—Mark 1:9, 10; Tʋʋma 8:36.

3. Y sã n wa rɩk y meng n kõ a Zeova n sa, a na n datame masã tɩ y pids y pʋlengã. (Yɩɩl Sõamyã 50:14; Koɛɛg Soaba 5:4, 5) A Sʋɩtãan na n makame n gɩdg-y tɩ y ra maan a Zeova raabã ye. (1 Pɩɛɛr 5:8) La pẽneg-y Wẽnnaam ne pʋʋsgã maasem. (Filip rãmba 4:6, 7) Karemd-y a Gomdã daar fãa. (Yɩɩl Sõamyã 1:1-3) Ra zãag-y y mens ne tigingã abada. (Hebre dãmba 13:17) Y sã n maand woto fãa, y na n paama pãng n ket n sakd Wẽnnaam. Woto, wakat sẽn-kõn-sa yĩnga, y na n tõog n maana bũmb nins Wẽnnaam sẽn dat tɩ y maanã!

Y datame n paam kibay n paas bɩ Biibl zãmsg zaalem y yir bɩ? Gʋls-y a Zeova Kaset rãmba n tũnug ne adɛrs sẽn zemse. Adɛrs rãmba