 |
Beliefs | Future | Medical | Topics | Contact Us | Publications | Languages |
| Dirava be E Uramu Dahaka Baita Kara? | Kaha 12  |
Mauri Bona Rara Imatauraidia |
|
 |
Mauri be ede baita laloa toma (1) o boga lalonai natu ihamasena karana be? (1) |
|
Kristen taudia be ededia dala ai e hahedinaraiamu mauri ireğuna na e laloa badamu? (2) |
|
Animal baita aladia be kerere, a? (3) |
|
Ededia kara haida na dia mauri imatauraina karadia? (4) |
|
Dirava ena taravatu rara ai be dahaka? (5) |
|
Varovaro amo rara e heni hanaimu karana danu e taravatuamu, a? (6) |
1. Iehova na mauri badina. Mauri ğaudia iboudiai edia mauri na Dirava ena amo. (Salamo 36:9) Dirava matanai mauri na helağa. Sinana bogana ai e tubumu beibina ena mauri danu Iehova matanai na ğau hereadaena. Dirava matanai una e tubumu beibina ihamasena karana na kerere.—Esodo 21:22, 23, NW; Salamo 127:3.
2. Kristen taudia korikoridia ese mauri ireğuna karadia na e lalo badamu. Edia motuka bona ruma na e nari namonamomu, bero eiava mase bae vara garina. (Deuteronomi 22:8) Dirava ena hesiai taudia ese edia mauri na bae haboio diba daladiai se ğaukaralai kavamu, moale iabina totona. Una dainai haida ihahisidia dainai e karamu dağedağe gadaradia lalodiai na se vareaimu. Dağedağe e hahegoadalaimu moale karadia na e dadaraimu.—Salamo 11:5; Ioane 13:35. 3. Animal edia mauri danu Ihavarada Tauna matanai na helağa. Kristen tauna ese animal na baine aladia diba aniani bona dabua baine abi totona eiava edia amo gorere eiava dika baine davari garina. (Genese 3:21; 9:3; Esodo 21:28) To gadara eiava moale dainai animal baita hadikadia eiava baita aladia na kerere.—Hereva Lada-isidia 12:10. 4. Kristen taudia ese kuku, buatau, bona drag na se animu, moale iabina totona. Unu kara na kekerere badina (1) unu ğau ese ita na edia hesiai taudia ai e halaodamu, (2) ita tauanida e hadikamu, bona (3) idia na ğau mirodia. (Roma 6:19; 12:1; 2 Korinto 7:1) Unu kara irakatanidia na auka. To namona na baita rakatanidia Iehova baita hamoalea totona. 5. Rara danu Dirava matanai na helağa. Dirava na e gwaumu mauri na rara lalonai. Una dainai rara baita ani na kerere. Bona rarana se hadihoa namonamo vamuna hidona baita ania na kerere. Bema animal ta na aiona e gigia eiava idoa ai e mase, basita ania na namo. Bema bae gwadaia eiava bae pidia, bae ania diba totona rarana bae hadihoa harağa na namo.—Genese 9:3, 4; Levitiko 17:13, 14; Kara 15:28, 29. 6. Tauanida varovarodia amo rara baita abi be kerere? Ba helalotao, Iehova na e tomu rara na basita ani. Una anina na ma dala ta amo haida raradia eiava ita siboda rarada, e haboua ğauna, na tauanida lalonai basita abia vareai. (Kara 21:25) Una dainai Kristen taudia korikoridia ese varovaro amo rara e heni hanaimu karana na basie abia daemu. Idia ese muramura idaudia, dia rara amo e kara ğaudia, na e abi daemu. Idia na e uramu bae mauri, to dia Dirava ena taravatu iutuna karana amo edia mauri bae rauaia toho.—Mataio 16:25. |
||
Lagani 2001 ai E Halasia |
 |
Copyright © 2006 Watch Tower Bible and Tract Society of Pennsylvania. All rights reserved. |
|
