1. Ina harihari oi na Baibel amo ğau namodia momo vada ome diba. Namona na ina diba ese baine hakaumu Kristen karadia ba hahedinarai. (Efeso 4:22-24) Mauri hanaihanai bavabia totona, una diba na mai anina bada. (Ioane 17:3) To, ma haida danu una sivarai namona bae kamonaia na namo, hahemauri bae abia totona. Namona na Kristen taudia korikoridia iboudiai ese ma haida bae haroro henidia. Una na Dirava ena haheğani.—Roma 10:10; 1 Korinto 9:16; 1 Timoteo 4:16.
2. Oi o dibamu ğaudia namodia na dekemu taudia ida ba herevalai matama diba. Emu bese, turamu, o sikuli heboumu bona o ğaukara heboumu taudia ba hamaorolaidia. Mai emu hebogahisi bona haheauka ida unu ba kara toma. (2 Timoteo 2:24, 25) Ba helalotao nega momo taunimanima na dia ta ena hereva to ena kara e lalo badamu. Una dainai oiemu kara namodia ese ma haida lalodia bae veri diba, o gwauraiamu herevana bae kamonaia totona.—Mataio 5:16; 1 Petro 3:1, 2, 16.
3. Gabeai, reana ba heğereğere bena emu gabu ai Iehova ena Witnes taudia edia kongregesen taudia ida ba haroro matama. O goada o laomu lalonai una na kara badana ta. (Mataio 24:14) Bema oi na ma ta ba durua bena Iehova ena hesiai tauna ta ai bainela bona mauri hanaihani baine abia, una na moale bada ğauna!—1 Tesalonika 2:19, 20. |
