Sibomu Lalomu Ba Hadaia Dirava Isiaina Ba Lao Heni

1. Dirava turana ai baola totona, oi na Baibel lalonai hereva momokani ba dibadia namonamo (1 Timoteo 2:3, 4), o dibadiamu ğaudia bavabidadama heni (Heberu 11:6), emu kara dika amo ba helalo-kerehai (Kara 17:30, 31), bona emu mauri dalana ba haidaua. (Kara 3:19) Bena Dirava ilalokau henina karana ese lalomu baine hamarerea bena emu mauri na ia ba gwauhamatalai henia. Una anina na, oi sibomu emu ğuriğuri ta ai ia ba hamaoroa oi na emu mauri o henimu iena ura ba karaia totona.—Mataio 16:24; 22:37.

2. Dirava o gwauhamata heniamu murinai, ba bapatiso. (Mataio 28:19, 20) Bapatiso ese taunimanima iboudiai e hadibadiamu oi emu mauri na Dirava vada o gwauhamatalai henia. Una dainai bapatiso na Dirava isiaina ilao henina totona lalodia bae hadai diba taudia sibodia ese bae karaia karana. Ta e bapatisoamu neganai, ia tauanina idoinai na do nega sisina ranu lalonai bae hadihoa.*—Mareko 1:9, 10; Kara 8:36.

3. Emu gwauhamata o karaiamu murinai, Iehova ena ura oi emuai na emu gwauhamata ba hağuğurua. (Salamo 50:14; Kohelete 5:4, 5) Diabolo ese Iehova isiaina ilao henina karana ai be koumu tohomu. (1 Petro 5:8) To ğuriğuri amo Dirava ba raka henia kahi. (Filipi 4:6, 7) Dina ta ta iboudiai iena Hereva ba stadilaia. (Salamo 1:1-3) Kongregesen ba badinaia namonamo. (Heberu 13:17) Unu iboudiai bo karamu neganai, Dirava ba badinaia hanaihanai goadana bo abiamu. Una dainai Dirava e uramu karadia na ba kara diba ela bona hanaihanai!

Oi o uramu hereva haida ma ba diba eiava emu ruma ai Baibel stadi asi davana ta bavabia, a? Ina adres maorona ta amo Iehova ena Witness taudia ba tore henidia. Adres

* Diba ese Mauri Dekenai Ita Ia Hakaua Lao bukana, eiava buka unu bamona ta Iehova ena Witnes taudia ese e halasia ğauna ba stadilaia na namo, bapatiso iheğaeğaelaina.

Copyright © 2006 Watch Tower Bible and Tract Society of Pennsylvania. All rights reserved.