Wi’ix mbäät xynyijawë ti Dios tsyojkypy ets xytyunët

1. Tadë Biiblyë yë’ë Dios të xynyamo’oyëm ets mbäät nmëjjä’äm. Dë’ën extëm tu’ugë u’unk teety di’ib tsojkp tjä’äyë noky ets ttuknigexyë y’u’unk y’ënä’k. Nandë’ënë Biiblyë nyimaytyakypyë Dios tëy’äjtën: pën yë’ë ets wi’ix y’ixëtyë y’ana’amën. Nyimaytyakypy wi’ix mbäät mbatëmë jotkujk’äjtën di’ib jajkp ets wi’ix nya’o’yëmë amay jotmay. Yë’ëyë Biiblyë di’ib xy’anmä’äyëm ti mbäät ndu’unëm etsë Dios nyajjotkujk’äjtëm (Santya̱’a̱gʉ 1:25; Di’ibʉ Jatanʉp [Apocalipsis] 1:3).

2. Ko yajjääytsyo’onyë Biiblyë ja nety tyëgoy’aty naa 1,500 jëmëjtën parë Kristʉ kyëdä’ägët, ets jyejky parë yajjääytyaajy naa 1,600 jëmëjtën, tjääytyë 40 yetyëjk. Tmëminy 66 liibru’unk. Dios yë’ë wyinmä’änymyoojy ja jaabyëty, o ja tuknax njënä’änëm yë’ë kyujä’äyëdë Diosë wyinmä’äny, kyaj tkujä’äyëdë kyë’ëm winmä’äny. Päätyë Biiblyë yë’ë Diosë jyaaybyajtën kyaj yë’ëjëtyë naxwinyëdë jä’äy (2 Timotee 3:16, 17; 2 Peedrʉ 1:20, 21).

3. Dios naytyuknipëjkë etsë Biiblyë mëdëy yajjääynyaxët ets kyaj pën wi’ix ttunët. Yë’ë Biiblyë waanë ni’igyë kujk nyikojtu’uty ets kyaj dyë’ënëtyë wiingatypyë liibrë. Ko xy’ëxpëkëdë Biiblyë kyaj ni’amukë jä’äy t’oy’ixä’äny, per katë xynya’ixy ets ti myajtu’udukëdët. Net xypyäädëdë juky’äjtënë winë xëë winë tiempë ko xy’ixy’atëdë Dios ets xytyuunëdë tsyojkënë oy mdim’yajtukmëtsip’atët (Matewʉ 5:10-12; Fwank 17:3).

Copyright © 2010 Watch Tower Bible and Tract Society of Pennsylvania. All rights reserved.