¿Ti tyuknibëjtakëbë Dios mëdë tyä’ädë Naxwinyëdë?

1. Jyobaa ojts dyajkojyë tyä’ädë Naxwinyëdë etsë jä’äyëty ttuktsëënëdët winë xëë winë tiempë ets agujk jotkujk. Yë’ë tsyojk ets tyä’ädë Naxwinyëdë y’itët tuktiky mëdë oyjya’ay (Salmo 115:16; Apostʉlʉty 17:26). Naxwinyëdë ninä’ä kyakutëgoya’any; winë xëë winë tiempë y’itä’äny (Salmo 104:5; Eclesiastés 1:4).

2. Mä netyë Dios tkayajkojynyëmë jä’äy, twin’ijxy tukpedasë nax, ta dyajjëmbijty tsuj ja it lugäär di’ib xyëëmoojy Eden. Jam tpëjtaky ja tim jawyiimbë yetyëjk ets ja toxytyëjk: Adán mëdë Eevʉ. Dios tyuknibëjtakë etsë y’u’unk y’ënä’k tpäättët ets dyajtuktuktëdë Naxwinyëdë. Wanaty wanatyxyëp dyajjëmbijttë tëgekyë Naxwinyëdë extëm tu’ugë it lugäärë tsujpë (Génesis 1:28; 2:8, 15).

Ja it lugäärë tsujpë di’ib tëgoojy

3. Adán mëdë Eevʉ pyokytyuundë, mët ko kë’ëmë jyot wyinmä’äny dyajtuundë ko tkamëmëdoodë Diosë y’ana’amën. Päätyë Jyobaa kyajxpëtsëëmëdë jam Eden, ets dë’ën tyëgoojy ja it lugäärë tsujpë (Génesis 3:1-6, 23). Perë Jyobaa kyaj tjä’äytyëgoy di’ib ojts ttuknibëjtäägë parë mëdë Naxwinyëdë. Yë’ë wyandakypy dyajjëmbitä’äny extëm tu’ugë it lugäärë tsujpë, mä tsyëënëdë naxwinyëdë jä’äy winë xëë winë tiempë. ¿Wi’ix ttunä’äny? (Salmo 37:29).

4. Jawyiin kyutëgoyä’äny tëgekyë axëkjä’äytyëjk, taanëmë tyä’ädë Naxwinyëdë jyëmbitä’äny extëm tu’ugë it lugäärë tsujpë (Kolosʉ 3:6). Tyä’ädë tyunä’äny jyatä’änyëty mä Armajedón, ja Diosë tsyip mä dyajjëjptëgoya’any tëgekyë axëk’äjtën. Ta netë Satanás yajtsumä’äny 1,000 jëmëjt, pääty ni pën kyanekyja’atä’äny di’ib yajmä’ädëbë Naxwinyëdë. Yë’ëyë je’eyë tsokwë’ëmäämbë Diosë kyäjpn (Di’ibʉ Jatanʉp 16:14, 16; 20:1-3).

5. Taanëmë netë Jesukristʉ t’ana’amä’änyë tyä’ädë Naxwinyëdë 1,000 jëmëjt (Di’ibʉ Jatanʉp 20:6) ets wanaty wanaty dyajwä’ätsä’änyë njot’äjt nwinmä’äny’äjtëm etsë nini’x’äjt ngëbäjk’äjtëm. Dë’ën njëmbitä’änëm wä’äts jä’äy extëmë netyë Adán mëdë Eevʉ mä kyapokytyunyëm. Ta kyaj nyeky jyam’atä’änyë pä’äm, mëjä’äy’at etsë o’kën. Ni’amukë y’ägëdä’ägä’änyë pä’äm jä’äy etsë mëjä’äytyëjk y’a’ënä’këyä’ändë (Job 33:25; Isaías 33:24; Di’ibʉ Jatanʉp 21:3, 4).

6. Mä tyu’uyo’oyë Jesusë y’ana’amënë 1,000 jëmëjt, ja jä’äyëty di’ib kyaj të tmastu’uttë Dios tyunä’ändë ets dyajjëmbitä’ändë Naxwinyëdë extëm tu’ugë it lugäärë tsujpë (Matewʉ 5:5). Nandë’ën, di’ibaty miyonk’am të y’ooktë pyëdë’ëgä’ändë ets jyuky’atä’ändë jatëgok yä Naxwiiny. (Apostʉlʉty 24:15.) Pënë tadë o’kpë di’ibë nety të pyëdë’ëktë kyuytyuundëp di’ibë Dios y’andoopy, juky’attëp winë xëë winë tiempë yä Naxwiiny. Per pën kyaj, ta nëjx kyutëgoytyë winë xëë winë tiempë (Fwank 5:28, 29; Di’ibʉ Jatanʉp 20:11-15).

7. Dë’ënë dë’ën tkuytyunä’änyë Dios di’ib tëëyëp tyuknibëjtakë parë mëdë Naxwinyëdë. ¿Mtsojkënyë’ajtypy xy’axäjëdë tyä’ädë kunu’x kuwä’änën di’ib miin këdakp? Pën mtsojkënyë’ajtypy, tsojkëp xy’ak’ëxpëkëdë Jyobaa y’ää y’ayuk ets xykyuytyunët xëmë wi’ix yë’ë jyëna’any. Di’ib mbudëkëdëp parë xykyuytyunët yë’ko mnëjxët mä tadë Tëjk mä y’Ëxpëktë Jyobaajë Tyestiigëty (Isaías 11:9; Ebreeʉsʉty 10:24, 25).

Ko Armajedón nyaxët, ta Naxwinyëdë jyëmbitä’äny extëm tu’ugë it lugäärë tsujpë

Copyright © 2010 Watch Tower Bible and Tract Society of Pennsylvania. All rights reserved.