N’okmëj’ijxëmë juky’äjtën etsë ne’pyny - Tyä’ädë pajina mä Internet yë’ë të tjantsy pyëjtä’äktë Jyobaa Tyestiigëty

Tyä’ädë pajina mä Internet yë’ë të tjantsy pyëjtä’äktë Jyobaa Tyestiigëty

Beliefs

Future

¿Ti Dios tsyokypy ets ndu’unëm?

Ëxpëjkën 12

N’okmëj’ijxëmë juky’äjtën etsë ne’pyny
	¿Wi’ix mbäät n’ijxëmë juky’äjtën? (1) ¿Ets ko toxytyëjk kë’ëmë y’u’unk dya’ooky mä kyajnëmë xyëë pyo’o tpääty? (1)
	Pënatyë Dios myëduundëp, ¿wi’ix dya’ixëdë ko naygyuent’äjtëdëp ets kyaj y’ayo’ombäädët? (2)
	¿Axëëk ko nya’o’këmë jëyujk animal? (3)
	¿Tijaty tu’unënë di’ibë jä’äy tyuumpy ya’ijxëp ko kyaj tmëj’ixyë jyuky’äjtën? (4)
	¿Wi’ix jyëna’anyë Diosë y’ana’amën mä ne’pyny? (5)
	¿Yajkubejkypyë Dios nandë’ën ko tyëkë ne’pyny nini’xoty? (6)

1. Mä Jyobaa jam tsyoonyë juky’äjtën. Tëgekyë naxwinyëdë jä’äy myëguent’äjtypyë Dios mëdë jyuky’äjtën (Salmo 36:9; Apostʉlʉty 17:24, 25). Yë’ë juky’äjtën mëj t’ixyë Dios. Axtë jyuky’äjtënë maxu’unk di’ib apenë kyojynyëm tyääk jodoty mëjë Jyobaa t’ixy. Dios windum, axëëk ko jä’äy dya’oogyë maxu’unk di’ib apenënëm kojp tyääk jodoty (Éxodo 21:22, 23; Salmo 127:3).

Parë nyajjotkujk’äjtëmë Dios, kyaj y’oyëty nyajtëjkëmë ne’pyny nini’xoty, nan kyaj y’oyëty nju’këm ets ni ngapëjtakëmë juky’äjtënë jotmay jëjp’am

2. Pënaty jyantsy myëduundëbë Dios kyuent’äjttëbë jyuky’äjtënë. Y’ijx tyuundëbë kyarrë etsë jyëën tyëjk parë kyaj y’ayo’ombëjtä’ägët (Deuteronomio 22:8). Yë’ë Dios mëduumbëty kyaj nanëgoobë o tsojkëngyëjxm tpëjtä’äktë jyuky’äjtënë jotmayjëjp’am. Pääty jyëjpkudijëdëbë kuyaty mä mbäät nijot nyayajtsayutëdë. Ets nandë’ën tëgekyë ixy jawë etsë ëy ya’axy di’ib mbäädë jä’äy ya’awä’ända’agyëty ets yajtuundëgoyëty (Salmo 11:5; Fwank 13:35).

3. Dios di’ib të dyajkojtä’äy tijaty, mëj t’ixy nandë’ënë jyuky’äjtënë jëyujk animal. Pënatyë Dios myëduundëp, mbäät dya’ooktë jëyujk animal ets ttsu’utsët, twit’at txox’attët o parë këdiibë wi’ix tyunëdët o yajpä’ämbatëdët (Génesis 3:21; 9:3; Éxodo 21:28; Markʉs 1:6). Per di’ibën kyaj y’oyëty ja ko nya’o’këmë jëyujk animal nanëgoobë o ko je’eyë nya’ayo’ojëm (Proverbios 12:10).

4. Pënatyë Dios myëduundëp kyaj y’oyëty jyu’uktët o tpu’uytyëdë mariwanë o tabakë. Tyä’ädë tu’unënë axëëgë’ë yë’ko 1) tsip parë ok tmastu’udëdë jä’äy, 2) y’axëktuumbyë nini’x këbäjk ets 3) kyaj wyä’ätsëty (Romanʉs 6:19; 12:1; 2 Korintʉ 7:1). Nmatstutä’äyëmë tyä’ädë tu’unën mbäät mëk tsyipta’aky, per pën nyajjotkujk’atä’änëmë Jyobaa tsojkëp nmatstutä’äyëm.

5. Tadë ne’pyny nan mëj t’ixyë Dios. Yë’ë jyëna’any ko juky’äjtënë y’ity mä ne’pyny. Pääty kyaj y’oyëty një’xëmë ne’pyny. Nan kyaj mbäät një’xëmë tsu’utsy pën kyaj yajxon të wyindaxy. Pën tu’ugë jëyujk animal dë’ënyë të nye’pyny tyuk’oogë kyaj mbäät yajtsu’utsy. Pën të yajkimy o të yajtujy tsojkëp netyë nyajwindäjxëm ets taanëm mbäät ntsu’tsëm (Génesis 9:3, 4; Levítico 17:13, 14; Apostʉlʉty 15:28, 29).

6. ¿Axëëk ko ngupëjkëmë ne’pyny tyëkët nini’xoty? Jamyats ko Jyobaa kyaj dyajnigutukë ets n’axäjëmë ne’pyny. Tyä’ädë yë’ë y’andijpy ko nimäätsoo mbäät ngayajtëjkëmë ne’pyny nini’xoty, ni wiink jä’äyë nye’pyny ets ni ngë’ëm ne’pyny’äjtëm di’ibë jä’äy të tpëjke’eky (Apostʉlʉty 21:25). Pääty, pënaty jyantsy myëduundëbë Dios kyaj tkupëktë tyëkëdë ne’pyny mä nyini’x kyëbäjk. Per kyupëjktëp tëgekyë di’ibë doktoor nyaskäjxëp ets yajtëjkëp mä nyini’x kyëbäjkë tsooy per yë’ë di’ib kyaj tmëdatyë ne’ pyny. Juky’atandëp, per kyaj ko tyim juky’atä’ändë tkutëjtëdë netë Diosë y’ana’amën (Matewʉ 16:25).

Të kyojy 2005
Copyright © 2010 Watch Tower Bible and Tract Society of Pennsylvania. All rights reserved.