Pëjtä’ägë mjot mwinmä’äny xymyëdunëdë Dios

1. Pën mnaymyayanëp mëdë Dios, tsojkëp yajxon xynyijawëdë tëy’äjtënë di’ib miimp mä Biiblyë (1 Timotee 2:3, 4), xymyëbëjktä’äyët tijaty të xynyijawë (Ebreeʉsʉty 11:6), mjodëmbitët mä mboky mgaytyey (Apostʉlʉty 17:30, 31) ets kyaj xynyeky tyunëdë axëk’äjtënë extëm të mjuky’aty (Apostʉlʉty 3:19). Ok taxyëbë netë tadë tsojkënë di’ib mëdäjtypy mä Dios mbudëkëty ets mnaywyandä’ägëdët mä Dios. Tyä’ädë yë’ë dë’ën y’andijpy ko anaytyu’uktuuy xymyënu’kxtä’ägët kë’ëmë Dios, mä xy’anëëmë ko mnaytyukëdëjkëp ets xytyunanë tsyojkënë (Matewʉ 16:24; 22:37).

2. Ko nety të mnaywyandakënë mä Dios, taxyëbë net mnëbety (Matewʉ 28:19, 20). Ko mnëbatët yë’ë tyuk’ixëbë jä’äy ko mijts të mnaywyanda’agyëty mä Jyobaa. Pääty yë’ë je’eyë nëbajttëp di’ib tamë xyëë jyëmëjt, ets di’ib kë’ëmë wyinmä’äny të tpëjta’aky tmëdunä’änyë Dios. Ko tu’ugë jä’äy nyëbety, tukpojënë nyini’x kyëbäjk nyëtuky nëjoty* (Markʉs 1:9, 10; Apostʉlʉty 8:36).

3. Ko nety të mnaywyanda’agyëty, Jyobaa y’awijxypyë net ets xykyuytyunët extëmë nety të mjënä’äny (Salmo 50:14; Eclesiastés 5:4, 5). Mʉjku’ugópk tyunaambyë mëjää ets kyaj xymyëdunëdë Jyobaa (1 Peedrʉ 5:8). Per mëwingonë Dios mët yë’ëygyëjxm ko mnu’kxtä’ägët (Filipʉs 4:6, 7). Ëxpëkë Diosë y’Ayuk bom bom (Salmo 1:1-3). Katë xymyastu’utyë jä’äy di’ib mëët mnaymyukëdë (Ebreeʉsʉty 13:17). Pën mduundaapy dë’ën, ta xypyëkëdë mëjää ets ninä’ä xykyamastu’udëdë Dios. Nëjxëp xytyuundä’äy tëgekyë ti Dios tsyojkypy winë xëë winë tiempë.

¿M’aknijawëyaampy ni’igyë o mtsejpy ets pënë Biiblyë mduk’ni’ixëdët namay’äjtën? Nijayë Jyobaa Tyëstiigëty mä direksion di’ib wingon wë’ëmp. Direksionk