Lala Ena’õ Aboto Ba Dõdõu Hadia Ni’andrõ Lowalangi - Situs Internet Resmi Saksi-Saksi Yehuwa

Situs Internet Resmi Saksi-Saksi Yehuwa

Beliefs

Future

Hadia Ni’andrõ Lowalangi moroi Khõda?

Famahaõ 1

Lala Ena’õ Aboto Ba Dõdõu Hadia Ni’andrõ Lowalangi
	Hadia zabõlõ moguna si tesõndra bakha ba Zura Ni’amoni’õ? (1)
	Haniha zama’anõ Sura Ni’amoni’õ? (2)
	Hana wa sinangea õfahaõ ndra’ugõ ba Zura Ni’amoni’õ? (3)

1. Sura Ni’amoni’õ ba no buala fondrege zebua moroi khõ Lowalangi. Sura Ni’amoni’õ ba no hulo sagõrõ zura moroi khõ nama si fahõna fa’omasi ba ndraononia. Sura Ni’amoni’õ zangombakha khõda satulo sanandrõsa khõ Lowalangi—haniha Ia ba hadia gamakhoita-Nia. Sura Ni’amoni’õ ba ituturu lala hewisa wangefa’õ ngawalõ gabula dõdõ ba lala wanõndra fa’omuso dõdõ si lõ tebulõ. Ha Sura Ni’amoni’õ zangombakha khõda hadia zinangea tafalua ba wangomusoi’õ tõdõ Lowalangi.—Sinunõ 1:1-3; Yesaya 48:17, 18.

2. So mato 40 niha ndra matua si fabõ’õbõ’õ zanura Sura Ni’amoni’õ andre ba zi 1.600 fakhe fa’ara, tebõrõtaigõ me dõfi 1513 SM. Sura Ni’amoni’õ no te’oligõ moroi ba zi 66 buku side’ide. Ya’ira sanura Sura Ni’amoni’õ andrõ ni o’ou geheha Lowalangi. Era’era-Nia ni surara ba tenga era’erara samõsa. Lowalangi ba zorugo, ba tenga niha guli danõ za ma’ano Sura Ni’amoni’õ andrõ.—Timoteo II, 3:16, 17; Fetero II, 1:20,21.

3. Lowalangi zi no mangohonogõi ba wamatohu fanura Sura Ni’amoni’õ andrõ ena’õ atulõ ba terorogõ. Sura Ni’amoni’õ ba no teraka fondrege wa’oya moroi ba zura tanõ bõ’õ fefu. Lõ fefu niha omasi ira na la’ila õfahaõ ndra’ugõ ba Zura Ni’amoni’õ, ba bõi tehegõ da’õ tobali sanaha ya’ugo. Fa’auriu ba zi so fõna si lõ aetu ha dali wa’abuto ba dõdõu Lowalangi, ba õfalua zomasi Ia he w̃a’ae oya ngawalõ dahataha.—Mataio 5:10-12; Yohane 17:3.

Nifa’anõ ba ndrõfi 1998
Copyright © 2008 Watch Tower Bible and Tract Society of Pennsylvania. All rights reserved.