Buabua Si Fatuwu Khõ Lowalangi

1. Enoni Lowalangi ba la omasi’õ hadia zi sõkhi. He wa’ae simanõ sinangea gõi la famaha ira ba wangogorofi hadia ia zi lõ sõkhi. (Sinunõ 97: 10) Eluahania te’erogõ ngawalõ mbuabua andrõ si fatuwu khõ Lowalangi. Hadia manõ ngawalõ mbuabua simanõ?

2. Fohorõ: Fohorõ fatua lõ sangowalu, fohorõni donga zodonga, fohorõni urifõ, fohorõni talifusõ, fohorõni ira matua awõnia ira matua fefu da’õ ba no horõ sebua sibai fõna Lowalangi. (Moze III, 18:6; Roma 1:26,27; Korindro I, 6:9, 10) Fa’orudu ndra matua ba ndra alawe si lõ mufabõbõ faofao mõrõ ira ba zi sambua omo, lõ tola lõ’õ la fabali ira ba ma zui mangowalu ira molo’õ huku si no tefa’anõ.—Heberaio 13: 4.

Fatuwu khõ Lowalangi wemabu, fanagõ, famaisa, ba fasõndrata

3. Falimosa, Famaisa, Fanagõ: Lowalangi Yehowa ba si lõ falimosa. (Tito 1:2) Dozi niha somasi manema fa’omasi-Nia ba sinangea la’erogõ walimosa. (Amaedola 6:16-19; Kolose 3:9, 10) Fefu nifotõi famaisa mobõrõ ia moroi ba wa’omasi gana’a. Me simanõ andrõ wa dozi niha Keriso ba tebai fao ira ba wamaisa gofu hadia ia dõinia, simane lotere, fataru ba kudo si fagohi, ba famai bingo. (Efeso 5:3-5) Niha Keriso ba tebai managõ. Tebai gõi la’odõdõgõ wowõli gamagama nitagõ ba ma ba wangai manõ hadia ia si lõ mu’andrõ ba zokhõ.—Moze II, 20:15; Efeso 4:28.

4. Fofõnu sabõlõbõlõ, Famakao awõ: Fofõnu si lõ olaola ba molualua ia fabõ zisa (Moze I, 4:5-8) Niha safaito tebai tobali ia si fahuwu khõ Lowalangi. (Sinunõ 11:5; Amaedola 22:24, 25) Fasala sibai wolau balõ ba ma fanulõni si lõ sõkhi awõnia si lõ sõkhi ba ngawalõ mbuabua si lõ enahõi nilau niha bõ’õ khõda.—Amaedola 24:29; Roma 12:17-21.

5. Fogõnaisi ba faetasa: Ato manõ niha sangandrõ fa’abõlõ ba mbekhu soguna ba wamadõhõ fõkhõ. Ba tanõ bõ’õ ba lagõnaisi nawõra niha si fa’udu khõra ena’õ mofõkhõ ma zui ba wamunu ya’ira. Same’e fa’abõlõ ba halõw̃õ da’e ya’ia Zatana. Andrõ wa dozi niha Keriso ba tebai lahalõ dana khõra wolau halõw̃õ da’e. (Moze V, 18:9-13) Lõ mamalõmalõ ahatõ ita khõ Yehowa da’õ zi tobali ba’aba’a fondrege zi sõkhi moroi ba wogõna nilau niha bõ’õ khõda.—Amaedola 18:10.

6. Femabu: Lõ’õ sa fasala na ta badu ma’ifu nagu, biri, ma nibadu tanõ bõ’õ si no lebe’e laru. (Sinunõ 104: 15; Timoteo I, 5: 23) Na oya mamadu tuo ba femabu fasala da’õ ba wamaigi Lowalangi. (Korindro I, 5: 11-13; Timoteo I, 3: 8) Talafo oya wamadu tuo ba tola ifakiko mbotou ba ifakuyu nõsi nomou. Da’e gõi ba tola mõi bõrõ wa’alio te’ala ndra’ugõ ba ngawalõ wanandraigõ bõ’õ.—Amaedola 23: 20, 21, 29-35.

7. Dozi niha solau amuata si no iwa’õ Lowalangi lõ sõkhi ba ”tebai isõndra mbanua Lowalangi”. (Galatia 5:19-21) Ba na sindruhundruhu õ’omasi’õ Lowalangi ba edõna ndra’ugõ õ’omusoi’õ dõdõ-Nia, andrõ wa õ’efa’õ ndra’ugõ moroi ba gamuata da’e. (Yohane I, 5:3) Fahaõ ndra’ugõ wangogorofi hadia zi no iw̃a’õ Lowalangi lõ sõkhi. (Roma 12:9) Lau fariawõ ba niha si no to’õlõ ba mbuabua satulõ. (Amaedola 13:20) Ato nawõda niha Keriso saro famati si tola tobali umbu wanolo. (Yakobo 5:14) Sabõlõ moguna, õ’ondraligõ wanolo moroi khõ Lowalangi ba wangandrõ.—Filifi 4:6, 7, 13.

Copyright © 2008 Watch Tower Bible and Tract Society of Pennsylvania. All rights reserved.