Fangoroma’õ Fangosinangegõ Fa’auri ba Do - Situs Internet Resmi Saksi-Saksi Yehuwa

Situs Internet Resmi Saksi-Saksi Yehuwa

Beliefs

Future

Hadia Ni’andrõ Lowalangi moroi Khõda?

Famahaõ 12

Fangoroma’õ Fangosinangegõ Fa’auri ba Do
	Hewisa ena’õ wamaigida fa’auri andrõ? (1) fanudugõ ono ba dalu? (1)
	Hewisa dozi niha Keriso wangoroma’õ wa la’osinangegõ wa’aurira? (2)
	Hadia fasala na labunu gurifõ? (3)
	Hadia manõ ngawalõ zi no tefalua sangaroma’õ wa lõ ba dõdõra fa’auri? (4)
	Hadia goroisa Lowalangi sanandrõsa ba ndro? (5)
	Hadia farahu gõi ba da’e wame’e do ba mboto zi samõsa niha? (6)

1. Yehowa no Umbu wa’auri. Fefu hadia ia zaliw̃aliw̃a sonoso ba mo’õmõ fa’auri ira khõ Lowalangi. (Sinunõ 36: 10) Fa’auri andrõ ba no ni’amoni’õ khõ Lowalangi. He gõi fa’auri nono si lõ tumbu na si so ba dalu ninania ebua mbõlinia khõ Yehowa. Ba na mu’odõdõgõ wanudugõ ono simanõ ba no si fasala da’e ba wamaigi Lowalangi.—Moze II, 21:22, 23; Sinunõ 127:3.

Ba wangomusoi’õ tõdõ Lowalangi, ba tebai tabe’e ndro bakha ba mbotoda, nito’õlõigõ samakiko boto, ba fa’ate’ala si lõ guna

2. Niha Keriso sindruhu andrõ la’ame’egõ tõdõ wa’aurira. Abe’e dõdõra wa motora ba ma omora lõ ifa’ala niha. (Moze V, 22:8) Dozi enoni Lowalangi lõ la laulau manõ zi lõ boto si mõi fa’ate’ala wa’aurira ha ena’õ owuwua dõdõra ba zi lõ ara ba ma ena’õ tokea wiso zamondrongo. Andrõ walõ omasi ira fao ba wamamaha boto si tola mamakiko niha bõ’õ. La arõu’õ ira ba hiahia dõdõ sango’ou fa’alõ sõkhi.—Sinunõ 11:5; Yohane 13:35.

3. Fa’auri gurifõ gõi ba ni’amoni’õ khõ Zombõi. Tola ibunu gurifõ niha Keriso soguna ba ni’a ba nukha ba ma ba wo’amõlisi boto moroi ba wõkhõ ba ba zamakiko. (Moze I, 3:21; 9:3; Moze II, 21:28) He wa’ae simanõ no si fasala sibai na ta fakao gurifõ ba ma tabunu ira ha maimai ba ma meno somasimasi ita zimanõ.—Amaedola 12:10.

4. Foroko, Fonganga afo, fangoguna’õ daludalu ni tegu doto si no tobali omasiõ dõdõra tenga buabua niha Keriso da’õ. Fefu mbuabua da’e ba fasala bõrõ (1) buabua da’õ ba i’osawuyu ita, (2) buabua da’õ ifakiko mbotoda, ba (3) buabua da’õ ba ta’unõ. (Roma 6:19; 12:1; Korindro II, 7:1) Tola manõ so wa’abua sibai wondrõi buabua da’e. He w̃a’ae simanõ moguna tafalua ia ba wangomusoi’õ tõdõ Yehowa.

5. Do gõi no ni’amoni’õ ba wamaigi Lowalangi. Lowalangi zanguma’õ wa noso ba ma fa’auri, bakha ba ndro so ia. Andrõ wa no fasala sibai na mu’a ndro. Fasala sibai gõi na mu’a nagole gurifõ ni taba si lõ aduwa do. Na so gurifõ nitõgi bagi ba ma si mate ba wesu, no sitebai ni’a sa’ae gurifõ da’õ. Ba na urifõ da’õ ni handro ba ma ni fana, ba mu’anema’õ muduwagõ ndronia na urifõ da’õ edõna mu’a.—Moze I, 9:3,4; Moze III, 17:13, 14; Halõwõ zinenge 15:28, 29.

6. Hadia fasala wame’e do bakha ba mboto zi samõsa niha? Tõrõ tõdõu, Yehowa zanguma’õ ena’õ ta’arõu’õ ita ba ndro. Eluhania tebai tabe’e bakha ba mbotoda ndro gofu hewisa lalania he do niha bõ’õ ba he gõi do da samõsa si no mu’irõ’õ. (Halõwõ zinenge 21:25) Andrõ wa dozi niha Keriso sindruhu tebai latema ndro soroi baero na tebe’e bakha ba mbotora. Tola latema lala wamadõhõ bõ’õnia, simane daludalu nibe’e bakha ba mboto zamõsana si tenga moroi ba ndro. Edõna ira auri, lõ’õ i la’odõdõgõ wanawõ oroisa Lowalangi ba wamadõhõ fõkhõra.—Mataio 16:25.

Nifa’anõ ba ndrõfi 1998
Copyright © 2008 Watch Tower Bible and Tract Society of Pennsylvania. All rights reserved.