Lala Wamõfõ’õ Orahua Ndra Samaduhu’õ Yehowa - Situs Internet Resmi Saksi-Saksi Yehuwa

Situs Internet Resmi Saksi-Saksi Yehuwa

Beliefs

Future

Hadia Ni’andrõ Lowalangi moroi Khõda?

Famahaõ 14

Lala Wamõfõ’õ Orahua Ndra Samaduhu’õ Yehowa
	Hamega ibõrõgõ so ndra Samaduhu’õ Yehowa andrõ ba gõtõ da’e? (1)
	Hewisa lala wolohe ngawalõ nifalua ba wa’owulo ndra Samaduhu’õ Yehowa? (2)
	Hewisa wanga’asogõ kefe naso zinangea nibu’a? (3)
	Haniha zi tobali sololohe ba zi sambua owuloa? (4)
	Hadia gowuloa sebua nifalua ero rõfi? (5)
	Hadia halõwõ nifalua ba gõdo angorahua zi sagõrõ uli danõ ba ba gõdo si so ero sambua soi? (6)

1. Me ibõrõgõ so ndra Samaduhu’õ Yehowa ba ginõtõda andre ya’ia me aefa ndrõfi 1870. Ba mbõrõta sibai, ba lafotõi ira Nifahaõ Zura Ni’amoni’õ. Ba ba ndrõfi 1931, la’oguna’õ dõi ni fodanedane ba Zura Ni’amoni’õ, Samaduhu’õ Yehowa. (Yesaya 43:10) Moroi ba wa’a ideide sibai tebõrõgõ gangowuloa da’e irege tedou wa’atora ba zi ngahõngahõnõ ndra Samaduhu’õ, sowõlõ’õlõ sibai ba wanuriagõ ba zi 230 õri.

2. Oya ba gotalua gangowuloa ndra Samaduhu’õ Yehowa, zanga’asogõ fa’owulo tõlu kali samigu. Tekaoni ndra’ugõ wangondrasi gofu hezo manõ naha wa’owulora. (Heberaio 10:24, 25) Sura Ni’amoni’õ zi tobali danedane wamaha’õra. Fefu gowuloara labokai ba laduhõ faoma fangandrõ. Moroi ba dõdõra lalau manunõ ”Sinunõ moroi ba geheha” ba ginõtõ wa’owulora. (Efeso 5:18, 19) Lõ be’elõ kefe ba lõ gõi ame’ela ni’andrõ.—Mataio 10:8.

3. Oya gangowuloa ba lafalua wa’owulora ba zi sambua osali (nifotõi Balai Kerajaan) Si to’õlõnia ba osali (Balai Kerajaan) andre no sambua tomosa ni fasindro ndra Samaduhu’õ andrõ nibe’era manõ saoha gõlõ. Ba lõ õ’ila ba da’õ nadu, rõfa, ba ma famaedo simane da’e ba Gosali (ba Balai Kerajaan) Fefu hadia zoguna tehalõ ia moroi ba mbe’elõ si lõ mufakhoi dali zitumbu ba dõdõ zamõsana. Dozi si terou tõdõ wame ame’elara ba no muhõnagõ sambua naha game’ela.—Korindro II, 9:7.

4. Ero sambua Owuloa ba so ndra satua (penatua), ba ma sanaro. La’iagõ fõna wamahaõ ba gowuloa. (Timoteo I, 3:1-7; 5:17) Sanolo ya’ira ba ya’ia ndra enoni andrõ (hamba pelayanan). (Timoteo I, 3:8-10, 12, 13) Ira matua da’e ba tenga sebua moroi ba niha bõ’õ si so ba gowuloa. (Korindro II, 1:24) Ba lõ tabe’e khõra gamalalatõ dõi fasumangeta. (Mataio 23:8-10) Lõ fabõ’õ ira moroi ba niha bõ’õ ba wonukha. Ba lõ gõi la gazi ira ba wangai halõw̃õra. Saoha õlõ ndra satua andre wame’e soguna õ wa’auri ba gangowuloa. Labe’e wondrara dõdõ ba la fobawa lala na inõtõ so gabula dõdõ.—Yakobo 5:14-16; Fetero I, 5:2, 3.

5. Samaduhu’õ Yehowa andrõ ba lafalua gõi wa’owulowulo segebua ero rõfi. Ba ginõ’inõtõ simane da’e ato zowulo si fao si tõra moroi ba zito’õlõ ba wanema famahaõ moroi ba Zura Ni’amoni’õ. Fangõhõndrõgõ ba nidanõ dozi ira sibohou awai famahaõ no faosatõ halõw̃õ si no to’õlõ ba wa’owulowulo simanõ.—Mataio 3:13-17; 28:19, 20.

6. Gõdo angorahua zi sagõrõ uli danõ ba khõ ndra Samaduhu’õ Yehowa ba New York so ia. Ba da’õ so Zololohe (Badan Pimpinan), sambua ngawawa angorahua moroi ba zatua si no oya fa’aboto ba dõdõ ba wo kubaloi owuloa ba zi sagõrõ uli danõ. Ba so tõra 100 gõi gõdo si so ba zi sagõrõ uli danõ. Ba nahianahia da’e, ya’ira si no aoha õlõ wohalõw̃õ, la lului halõwõ wondraka ba fama’ohe’õ buku wamahaõ moroi ba Zura Ni’amoni’õ. Latuturu gõi lala hewisa wamõfõ’õ halõw̃õ ba wanuriagõ. Hana wa lõ õfaigi ginõtõ ba wangondrasi gõdo nahia wohalõw̃õ andre ba naha sahatõ si so ndra’ugõ?

Nifa’anõ ba ndrõfi 1998
Copyright © 2008 Watch Tower Bible and Tract Society of Pennsylvania. All rights reserved.