Angetulau We’amõi Enoni Lowalangi - Situs Internet Resmi Saksi-Saksi Yehuwa

Situs Internet Resmi Saksi-Saksi Yehuwa

Beliefs

Future

Hadia Ni’andrõ Lowalangi moroi Khõda?

Famahaõ 16

Angetulau We’amõi Enoni Lowalangi
	Hadia zi lõ tola lõ’õ õfalua ena’õ tobali ndra’ugõ si fahuwu khõ Lowalangi? (1, 2)
	Hewisa wolulu fa’auriu khõ Lowalangi? (1)
	Ha wa’ara ena’õ tehõndrõgõ ndra’ugõ ba nidanõ? (2)
	Hewisa wa tola õsõndra wa’abõlõ ena’õ lõ farõi ndra’ugõ khõ Lowalangi? (3)

1. Ena’õ tobali sifahuwu khõ Lowalangi, ba lõ tola lõ’õ õsõndra wa’aboto ba dõdõ si sõkhi sanandrõsa ba zindruhu andrõ ba Zura Ni’amoni’õ. (Timoteo I, 2:3, 4), mamati ndra’ugõ ba zi no ofahaõ ya’ugõ (Heberaio 11:6), mamalalini era’era ndra’ugõ moroi ba ngawalõ horõ ni fazõkhiu (Halõwõ zinenge 17:30, 31), ba õfabõ’õni gohitõ wa’auriu. (Halõwõ zinenge 3:19) Aefa da’õ ba fa’omasiu khõ Lowalangi zamarou ya’ugõ ba wolulu fa’auriu khõ-Nia. Eluahania da’e bakha ba wangandrõu samõsa, õw̃a’õgõ khõ-Nia wa õlulu ndra’ugõ khõ-Nia ba wamalua somasi Ia.—Mataio 16:24; 22:37.

2. Ba na no õfalua wolulu fa’auriu khõ Lowalangi, sinangea sa’ae na tehõndrõgõ ba nidanõ ndra’ugõ. (Mataio 28: 19, 20) Fangõhõndrõgõ ya’ugõ ba nidanõ andrõ wa aboto ba dõdõ niha zamõsana wa ya’ugõ no õlulu wa’auriu khõ Yehowa. Andrõ wa ha niha si no ibõnõ dõfi si tola mangai angetula we’amõi enani Lowalangi nihõndrõgõ ba nidanõ andrõ. Ba ginõtõ tehõndrõgõ ba nidanõ samõsa niha, ba fefu mbotonia sinangea tehõndrõgõ manõ ua bakha ba nidanõ.*—Mareko 1:9, 10; Halõwõ zinenge 8:36.

3. Ba me no aefa õlulu wa’auriu, itõtõna khõu Yehowa wa õtõrõ lala si faudu ba zi no õfabu’u khõ-Nia. (Sinunõ 50:14; Sangombakha 5:4, 5) I’alui sibai lala Afõkha ena’õ tebato ndra’ugõ we’amõi enoni Lowalangi. (Fetero I, 5:8) Ba zimanõ hatõ’õ ndra’ugõ khõ Lowalangi ba wangandrõ. (Filifi 4:6, 7) Fahaõ ndra’ugõ ba Daroma li-Nia ero ma’õkhõ. (Sinunõ 1:1-3) Ba bõi fawõhõi ndra’ugõ ba gowuloa. (Heberaio 13:17) Ba na õfalua fefu da’e, so khõu wa’abõlõ ba wa lõ farõi khõ Lowalangi. Irugi zi lõ aetu ba tola manõ õfalua ngawalõ ni’andrõ Lowalangi khõu!

Hadia omasi ndra’ngõ oya õsõndra ba Zura Ni’amoni’õ ba nomou si lõ be’elõ? Tola õfa’ahe’õ zura khõ ndra Samaduhu’õ Yehowa õ oguna’õ mbanua si fakatõ ba zi so ndra’ngõ. Alamat-alamat

* Famahaõ moroi ba mbuku Pengetahuan yang Membimbing Kepada Kehidupan Abadi, ba ma buku si faoma ni fa’anõ Watch Tower and Tract Society, te’oguna’õ ba wamahaõ fatua lõ mufalua wangõhõndrõgõ ba nidanõ.

Nifa’anõ ba ndrõfi 1998
Copyright © 2008 Watch Tower Bible and Tract Society of Pennsylvania. All rights reserved.