 |
Beliefs | Future | Medical | Topics | Contact Us | Publications | Languages |
| Ekegen Ngea Gott Tengeiy Atsin Turita? | Ekereri 2  |
Yegen Ngune Gott? |
|
 |
Yegen ngea Gott iduwen, me eken ngea egen? (1, 2) |
|
Otuwen deidein rabwaden ngea emeg ean? (3) |
|
Eken mungana godaun manin kamadauning? (4) |
|
Oten am ouwenon kewewit me damwinait imin ian ata taramawireiy ngeiy? (5) |
|
Eken marowa emedena ang gonan kererieiy angogen Gott? (6) |
1. Engame re taramawireiy imin ebak. Me Bibel opana gata ngana tsimine kor aiquet erak Gott IDUWEN. Orig imin memak ianweron, me eat eb. Dogin bwo oiya gata itsimor, teiy kor aiquen ngea am taramawireiy.—Adamonin Korinth 8:5, 6; Ekameata 4:11.
2. Gott tsimine ebakin godaun egen me tsimine egen ta aiquen. Bita eg eiy JEHOVA. Ian Bibel inon egen Gott eogiten oekeow me eogiten ngeotubwen godaun ngeiyine TEMONIBA oa GOTT. Me ngago eare marane Bibel, eg ngea Jehova ogiten metan yan 7,000 ebakin.—Aura Meta Israel 3:15; Psalm 83:18. 3. Jehova tsimine rabatan, me eo tsietaboa gata. “Gott ei Anin” Bibel opan. (Johannes 4:24) Anin eiy kewewit itsimor ion ngea ogoda eken ea gata. Eko engame ia ogiten ed Gott. Jehova emek ianweron mo ogona ed imin memak. (Psalm 11:4, 5; Johannes 1:18) Ekegen une anin omotangitang? Deo eiy bet engame etsietaboa Gott. Tana, eiy kor oaeioun Gott.—Psalm 104:30. 4. Bibel omeata deidein Jehova ea gata. Ogaroa gata kamadauningin manin ngane, eiy eauwe, imwit engok, eman me eoaeo. (Garagauweiet Edogor 32:4; Job 12:13; Jesaja 40:26; Adamonin Johannes 4:8) Bibel pana gata ngana eiy bet amen kananoang eiy mauwetegen, eadida idura, tubwa me yenburion. Ata tsietabo eoning ngabun kaiyiot engok, am quoquon me gar ngeiy.—Ephesus 5:1, 2.
5. Ed am towetsiber ange me tetaroa kewewit etamineiy oa itema ean ata taramawir? Ekeow! (Aura Meta Israel 20:4, 5) Jehova opan mo ouge ngan am taramawireiy ta ngeiy. Eab bet totow an raitsit ea engame ion oa tamo imit inon. Kewewit imin eko oaeioun ia enim bouk gata.—Psalm 115:4-8; Jesaja 42:8. 6. Otuwen ata nim tsiet Gott omo eken? Medenan ion eiy aeaet imin ngana ogiten orig me kamarareiy kor deidein eken ro opana gata. Origet imin Gott omeata ea gata ngan etsimine oaeioun ngea ouwak me manin. Ang ed an auwe yan memak mungan ogiten riring. (Psalm 19:1-6; Rom 1:20) Ion bet medenan ang gonan tsiet angogen Gott ean ata kererieiy Bibel, ian eiy opana gata angogen otuwen deidein earin Gott. Opana bet gata angogen an teng me eken an teng bwe am riring.—Amos 3:7; Karuworin Timotheus 3:16, 17. |
|
  |
|
Copyright © 2006 Watch Tower Bible and Tract Society of Pennsylvania. All rights reserved. |
|
