 |
Beliefs | Future | Medical | Topics | Contact Us | Publications | Languages |
| Ekegen Ngea Gott Tengeiy Atsin Turita? | Ekereri 5  |
Ekegen Bita an Teng Gott Bwe Dogit Eb? |
|
 |
Adaga Jehova riring me orig eb? (1, 2) |
|
Adaga bitune eb ngage deon paradis? (3) |
|
Eken ngea nan meta ea engame ngabun ebaka? (4) |
|
Eat edae imur, eken Jesu nan riring bwe dogin ngabun arak? me engabarara? me ngabun eman? (5, 6) |
|
Tsin ia wo nim ogok egeidauwianaw eat edae imur, eken ngea wo nim riring? (7) |
1. Jehova orig bitune eb bwe engame re nim gonan mek ean eko dogin iat ibiboki. Etengeiy bita eb eko dogin bwe enim mekan eow turit engame ngabun omo me ibiboki. (Psalm 115:16; Jesaja 45:18) Eb eab bet oekeow, inan ta mek eodogi.—Psalm 104:5; Ecclesiastes 1:4. 2. Ian obwen an Gott omamo engame, iyiy etang emarin kadudu omamo me ekeiyit etangin kiaeo ngamarin edabuk paradis. Opan egen mo ouge etangin kiaeo Eden. Ina ngana ngaeowet adamonit eman me an, Adam me Eva. An teng Gott bwe dogurur bwe re nim karig me gona ngaiurur mo oquen memak eb. Ita ken o ken, me re nan gonan omamo bita eb me ekeiy paradis.—Oawit Imin 1:28; 2:8, 15.
3. Adam me Eva ar duran eow ean aurur bwa an dogor Gott. Me Jehova oijoten urur atsin eat etangin kiaeo Eden. Me ekeowen paradis. (Oawit Imin 3:1-6, 23) Me Jehova eo meiyion bita an teng bwe dogit eb. Eiy oduwen ngan inan omamo me eke paradis, ino engame ri nan mek eko dogin. Inan otuwen an riring ngune?—Psalm 37:29. 4. Ian obwen an gonan ekeiy paradis bitune eb, engame baka enim oekeow ura. (Psalm 37:38) Ngune nan meta ean Harmagedon, ngea an ake Gott bwe enim oekeow ibaka. Iruwin, Satan inan quor dogin 1,000 eobweni. Ngune eouge eko engame baka ia aiquen ia enim orengo me ia enim obabaka eb. Ta an ngame Gott re nan tsimor.—Ekameata 16:14, 16; 20:1-3. 5. Me Jesu Kristo nan moniba me ekeiy Uean bitune eb dogit obweni 1,000. (Ekameata 20:6) Eiy nan oekeow idura atsin ian ata kamarar me rabadata. Ang nan eke gata engame ngabun omo tekeiy Adam me Eva ngago ian obwen aurur dura. Me inan ekeow earak, engabarara me ima. Engame arak inan otsimor, me ngabuna engab re nan tuk redoa aura bumin oning.—Job 33:25; Jesaja 33:24; Ekameata 21:3, 4. 6. Ean bita 1,000 eobweni Jesu moniba ean, engame ngabun edobweduwen re nan makur me iwit eb memak me eke paradis. (Lukas 23:43) Me meriot engame ngabun eman inan orida ura ea tsimorit engame eat eb. (Makur 24:15) Tsinia re riring mungana Gott tengeiy atsin turura, ri nan eo redon mek iat eb eko dogin. Tsinia eo ouga, inan oekeow ura eko dogin.—Johannes 5:28, 29; Ekameata 20:11-15. 7. Oauwin an teng Gott bwe dogit eb inan ouga kor. Wo teng iok ia wo nim epwepo ean mungane egeidauwianaw imur? Tsinia ouga, wo nim teo redon kererieiy angogen Jehova me eraban mungan etengeiy. Edegeri epo ino eogok eow iturin Jehova’s Witnesses inan buokuw okor.—Jesaja 11:9; Ebraer 10:24, 25.
|
  |
|
Copyright © 2006 Watch Tower Bible and Tract Society of Pennsylvania. All rights reserved. |
|
