 |
Beliefs | Future | Medical | Topics | Contact Us | Publications | Languages |
| Ekegen Ngea Gott Tengeiy Atsin Turita? | Ekereri 7  |
Turena Gott Iat Ededaro |
|
 |
Ada tsimine woun ia wo nim eo toki ededaro? (1) |
|
Ea yegen ia am dedaro, me otuwen? (2, 3) |
|
Eket imin mo ken ang gona oraiy iat ededaro? (4) |
|
Yet ia wo dedaro? (5, 6) |
|
Oten Gott kaiyot ededaro memak? (7) |
1. Ededaro eiy oiyongeta ia ang edorera Gott. Wo nim dedaroa Gott eat edae memak. Ngune wo nan nimon bwe wo turena ngeiy tekeiy dangom ngea turenaw. Jehova ogaganado me oaeio, me okaiyot ata dedaro! Wo eo tokit iok dedaroa Gott?—Psalm 65:2; Adamonin Thessalonika 5:17. 
2. Ededaro eiy bet deidein ata taramawir. Am ta dedaroa Gott Jehova. Ngaga Jesu tuk eat eb, eo dogit dedaroa etongin, deo ea engame ion. Am ouga bet ngata. (Matthaus 4:10; 6:9) Ngagan bet, ata dedaro memak enim patow ian egen Jesu. Ngune omeata ata eke iduwen godaun Jesu me ngan etsimine ata tueb ian an totow pumwen tsimorin.—Johannes 14:6; Adamonin Johannes 2:1, 2. 3. Tsinia ang dedaro am dorera Gott atsin ian buriouta. Am eo pan ata dedaro atsin ean omaranen oa lesseneiy atsin ian dabukit ededaro. (Matthaus 6:7, 8) Ang gona ededaro tamo deidein ngan magit edabar tamo edae, me ean tamo etang. Gott ogona kaiyot bet ededaro ngan eow, ededaro ngan earaiy eow ian buriouta. (Adamonin Samuel 1:12, 13) Omo kor am onani etang ngan eow me ogo-eow a engame ibun bwam araiy wora dedaro ta ea gata.—Markus 1:35. 4. Eket imin ngan wo gonan dedaro bwe dogin? Tamo imin ngan enim towe am kewina ngeiy. (Philippi 4:6, 7) Deideit ededaro omeata ngan am dedaro bwe dogin egen Jehova man teng. Ang gona kongong bet dogit imin ngan ang tengeiy bwe enim oiya gata, me dogin ata dura bwe enim ead, me buok eta bwam eo mek iat ikiy. (Matthaus 6:9-13) Ata dedaro enim eo earangame. Am dedaro ta dogit imin ngan ewin a burioun ma arowonga an teng Gott.—Adamonin Johannes 5:14. 
5. Wo gona bet ededaro tamo ngaga burioum tengeiyuw bwe wo nim otubwa me otota Gott. (Adamonin Imwinen 29:10-13) Wo nim dedaro tsinia tsimine ekeiyeiya, me am tueb tuk iat ikij. (Psalm 55:22; 120:1) Emwi kor ia ededaro ian obwen am on oangam. (Matthaus 14:19) Jehova emwin gata bwam dedaro “ean tamo edae.”—Ephesus 6:18. 6. Eimwi ang nim, dedaro kor tsinia ang ogiten riring idura ion ngea ang tsiet bwe pwer. Eat edae inon am kongonga Jehova me egege bwe enim kananoang eiy gata me ead ata dura. Tsinia ang pan ata dura ea ngeiy me riring ian magin rota bwam eo gauweiy, Gott oget duwen bwe enim ead ata dura.—Psalm 86:5; Enogen Man 28:13. 7. Jehova kaiyot ta an dedaro engame ngabuna emwi. Dogin am dedaro bwe enim kaiyot iow turin Gott, wo nim quoquon ian magin rom me mek ean won dogor. (Enogen Man 15:29; 28:9) Wo nim oiyonguw ia wo dedaro. (Lukas 18:9-14) Wo nim makur bwe dogin mungana wo dedaroeiy. Wo nan gonan oduwen ngan etsimine am tueb me ngan wo oduwen kor mungan wo pan. Inan Jehova oneiy am dedaro.—Ebraer 11:6. |
  |
|
Copyright © 2006 Watch Tower Bible and Tract Society of Pennsylvania. All rights reserved. |
|