 |
Beliefs | Future | Medical | Topics | Contact Us | Publications | Languages |
| Ekegen Ngea Gott Tengeiy Atsin Turita? | Ekereri 8  |
Tsimorit Eamen Bwini Ngea Oeiboki Gott |
|
 |
Eket deidein godaun megin amea aget engame iat eamen bwieni? (1) |
|
Otuwen an amea agen nim riring aita agen? (2) |
|
Eken mungana emakurin be amea etongit engame ogok? (3) |
|
Ekegen an makur aitune aget engame iat eamen bwieni? (4) |
|
Ekegen Gott tengeiy dogit inen me etongit me ngaiura? (5) |
|
Ekegen an kereri Bibel dogit ebao me imwiyow? (6, 7) |
1. Bibel ouge ngana eman eiy tubwit bita an epo eamen bwieni. (Adamonin Korinth 11:3) Amea agen enim, ta aiquen agen. Me re nim mere dobor ian met edogor.—Adamonin Timotheus 3:2; Titus 3:1. 2. Amea agen enim auwe aita agen tekeiy an teiy auwe ngeiy. Enim oiya aita me riring tekeiy medenan Jesu ngag oiya emo amebuna dangon. (Ephesus 5:25, 28, 29) Enim eo bet idouweiy aita agen oa omamedo aita iat deidein memak. Me enim omeata ea aita iyong me an eredu.—Kolosse 3:19; Adamonin Petrus 3:7.
3. Etongit engame enim makur mo oaeio me eranga amen bwien. Enim oreat iyeyi, ekarawin me ewak bwe dogin agen me ngain. Etongit engame nim oreana amen bwien imin ngana won anin. (Adamonin Timotheus 5:8) Eiy eow me buok amen bwien bwe re nim tsiet deidein Gott me an teng.—Garagauweiet Edogor 6:4-9; Ephesus 6:4. 4. Aita agen enim eiy buoken amea agen. (Oawit Imin 2:18) Aita enim buok amea agen ia ar nim wereri ngaiur. (Enogen Man 1:8) Jehova tengeiy aita agen bwe enim ranga ma auwe kor oningin bwien. (Enogen Man 31:10, 15, 26, 27; Titus 2:4, 5) Aitune enim tsimine an eredu bwe dogin agen.—Ephesus 5:22, 23, 33. 5. Gott tengeiy eoning bwe re nim erabat inora me etongura. (Ephesus 6:1-3) Etobeiy bet inen me etongit eoning bwe nim opana mo oemwi ngaiura. Inen me etongit eoning re nim teng bet totow edae in mek epoa ngaiura me kereriey Bibel epoa ura, me ranga ea ura ekenimon tengeiy bain anin. (Garagauweiet Edogor 11:18, 19; Enogen Man 22:6, 15) Inen me etongit eoning ar nim eo bet oewereri ngaiura iat eoaio oa emedena baka.—Kolosse 3:21.
6. Tsinia erumena enamwen mere tsimine aurur ekekae eat deidein aurur mek epo ar nim quoquon ma aea eken Bibel opan. Bibel quoquon gata bwam omeata eauwe me am ead idura. (Kolosse 3:12-14) Aen Gott eo pan ia ebao in mek enim eiy medenat imit inon ia dogit ekekae. Me aita agen enim iyiy ia enim erowi amea agen tsinia (1) odukurang me eo teng ia enim oiya amen bwien aura ga, (2) ebaka kor bita tsimorit aita emek iat egaturae, oa (3) deidein amune oturay mekit aitune me inan keiyeiya ea aitune ia enim taramawireiy Jehova.—Adamonin Korinth 7:12, 13. 7. Ainumwen mere re nim dobweduworor ion ea ion. Emequorit idura eiy idura ea Gott me ea bet aita oa amea dangon. (Ebraer 13:4) Mequorit idura atonit emere eiy kor emedena aiquen ngea Bibel opan bwe egona imwiyow me etuk gona mere. (Matthaus 19:6-9; Rom 7:2, 3) Jehova miowi kor ia engame ro mwiyow me eko dogin ia epatow iat Bibel me, tuk mereiy engame ion.—Malachi 2:14-16. |
||||
  |
|
Copyright © 2006 Watch Tower Bible and Tract Society of Pennsylvania. All rights reserved. |
|
