 |
Beliefs | Future | Medical | Topics | Contact Us | Publications | Languages |
| Ekegen Ngea Gott Tengeiy Atsin Turita? | Ekereri 9  |
An Ngame Gott Re Nim Dereder |
|
 |
Adaga am dereder iat deidein memak? (1) |
|
Eken ian ia wo nim dereder ian anin? (2) edereder deideim? (3) edereder ekamarar? (4) edereder dorabat? (5) |
|
Eken earit edorer ngan eo dereder ngan am gar tsinin? (6) |
1. Jehova Gott edereder me ebwigaga, etobeiy ngabun amet taramawireiy bwe re nim to ouga aura dereder ian anin, deidein, ekamarar, me dorabat. (Adamonin Petrus 1:16) Inan obu ekenen ouwak ia wo nim ta dereder ian men Gott. Ang mek iat eb eo dereder. Me tsimine bet ata boa ata tengin riring imin ngan opwer. Me am eo eado. 
2. Anin Edereder: Tsinia ang teng makur a Jehova, ang eab gonan ogok tamo earit ekereri oa egadet etaramawir ngan deo iduwen. Am metan iat etaramawir deo iduwen me eo buok iat deidein tamo earin. (Karuworin Korinth 6:14-18; Ekameata 18:4) Tsinia ang ogiten kererieiy iduwen angogen Gott, am ranga kor gata tsinit engame ngabuna ro wereri ngan deo iduwen.—Karuworin Johannes 10, 11. 3. Deideit Edereder: Jehova tengeiy ngabun re taramawireiy bwe re nim ranga deideiura me eke ura amet taramawir iduwen eat edae memak. (Adamonin Petrus 2:12) Ed imin memak ngan ang riring, epoa bet iat eo nungida. (Ebraer 4:13) Am gar tsinin mequorit idura me imin bet inon ngan eo dereder ean eb une.—Adamonin Korinth 6:9-11. 4. Ekamarar Edereder: Tsinia ang oquen ata kamarar eat imin ngan odereder, deideita memak re nan dereder bet. (Philippi 4:8) Me tsinia ang kamarareiy imin ngan eo dereder, inan omeata deidein makurin ebaka. (Matthaus 15:18-20) Am gar tsinin earit karamwen ngan nan omwerere ata kamarar. Ang gona oquen ata kamarar eat imin ngan dereder eow ean kererieiyen aen Gott. 5. Dorabat Dereder: Dogin ro oweiyo bwe dogin Gott, Kristians re nim ranga rabatara me aura karawin enim dereder. Am gabur beta iruwin ata maga ijeta, me am gabur ura ian obwet onet iyeiyi oa omamoet iyeiyi. Tsinia eko wam imin bait ibwiriow ekanakaneno, eimwi bwe enim iriedu. (Garagauweiet Edogor 23:12, 13) Rangaet dorabat dereder buok mo omamo itsimor. Amet taramawir enim nagege me dereder ian me atonin bwien. Enim omeata me ekeiy ekar ngea omo ea ngamen an tekawa. 6. Engok Dereder: An ngame Gott re nim eo dogin pat iduwen. Amen quiy re eab metuwa Monibain Gott. (Ephesus 4:25; Ekameata 21:8) Kristians re eo ouwenot edorer baka. Re eo kaiyot bet oa re eo pan me eke karamwet edorer ngan mwarere me eo dereder torongabin. Dogin aura dorer edereder, ro omeata oeweiyora ngan ekae eat emakur oa eat ekereri me ea aranora itsirurura.—Ephesus 4:29, 31; 5:3.
|
  |
|
Copyright © 2006 Watch Tower Bible and Tract Society of Pennsylvania. All rights reserved. |
|
