 |
Beliefs | Future | Medical | Topics | Contact Us | Publications | Languages |
| Ekegen Ngea Gott Tengeiy Atsin Turita? | Ekereri 10  |
Emakur Ngana Gott Emiowi |
|
 |
Otuwen am kenimo dogit imin ngana Gott pan bwe ebaka? (1) |
|
Eket earin emequorit idura ngan opwer? (2) |
|
Otuwen an Kristian aea iquiy? (3) ikuduwa? (3) etorere? (3) ibabaka? (4) taramawireiy eani? (5) amen pwemen? (6) |
|
Otuwen at engame gar tsinin atsin eat emakur ebaka? (7) |
1. An ngame Gott auwe ngea omo. Me re nim kererin miowi ngea ebaka. (Psalm 97:10) Yan ngune gar tsinit emakur inon ngana Gott miowi. Eket inon mungana emakur? 2. Emequorit Idura: Emequorit dura ian obwet emere, ire aget engame, amen wairan emequorit dura, emwamwanungin emequorit dura, me binaine ane memak ura idura ebaka kor ea Gott. (Dogoreiet Ibwibwin Levi 18:6; Rom 1:26, 27; Adamonin Korinth 6:9, 10) Tsinia airumena ar eo mere me ar mek epo, ar nim baoin mek oa mere bet iat deideit edogor.—Ebraer 13:4.
3. Iquiy, Ikuduwa, Itorere: Jehova Gott eo gona iquiy. (Titus 1:2) Engame ngea eteng bwe enim ibibokiei enim gar tsinit iquiy. (Enogen Man 6:16-19; Kolosse 3:9, 10) Earit deideit ikuduwa omeata ngan ababaro. Me Kristians ar nim eo mek ian deideit ikuduwa memak, tekeiy bet rowiowet itiket, keitsito boney, me ibingo. (Ephesus 5:3-5) Me Kristians re nim eo torere. Re tsied bwe re nim eo row imin ngan etoreiy oa obu imin iat eo keram.—Aura Meta Israel 20:15; Ephesus 4:28. 4. Damadamit Egirow, Ibabaka: Eigirow eo gona dugen gona eow a medenat ibaka. (Oawit Imin 4:5-8) Engame baka eo gona ekeiy dangon Gott. (Psalm 11:5; Enogen Man 22:24, 25) Opwer ia wo nim pumwe ibaka ea ebaka ngana engame ibun riringa gata.—Enogen Man 24:29; Rom 12:17-21. 5. Enogen Kamaman me Taramawireiy Ani: Engame ibun re emwemwin eoaiot eani bwe re nim quoquon mo otsimor earak. Ibun ro oraiy engogen kamaman ea baruora bwe re nim arak oa enim abi ura bet. Eoaio iruwen memak mungane emakur eiy Satan. Me Kristians re nim eo metu ian memak tamo earin. (Garagauweiet Edogor 18:9-13) Mek turena Jehova eiy rangaeta magit omo atsin ean aura oraiy edorerin kamaman engame ibun ea gata.—Enogen Man 18:10. 6. Amen Pwemen: Eo pwer ia wo nim inim wein aigetow, ipiya, oa earit demangi arcol. (Psalm 104:15; Adamonin Timotheus 5:23) Me eren ouwak me an pwemen opwer ian men Gott. (Adamonin Korinth 5:11-13; Adamonin Timotheus 3:8) Eren ngea ouwak ogonan oturaiy tsimorum me obabaka tsimorin amen bwiom. Ogona bet riringuw bwe wo nim parin edegeri bet ikij inon.—Enogen Man 23:20, 21, 29-35. 7. Engame ngabun riring imin ngana Gott pan bwe ebaka “eab ogok monibain Gott.” (Galatia 5:19-21) Tsinia iduwen wo auwe Gott me wo teng oeibiboki ngeiy, wo gonan eatow mungane emakur. (Adamonin Johannes 5:3) Wo nim kereriey wo nim miowi mungana Gott opan bwe ebaka. (Rom 12:9) Epoda engame ngabuna ro ogok deideiura omo. (Enogen Man 13:20) Dangom Kristian ngabuna engab re gona buokuw. (Jakobus 5:14) Me itugain memak, pe ean an puok Gott iat ededaro.—Philippi 4:6, 7, 13. |
||
  |
|
Copyright © 2006 Watch Tower Bible and Tract Society of Pennsylvania. All rights reserved. |
|
