 |
Beliefs | Future | Medical | Topics | Contact Us | Publications | Languages |
| Ekegen Ngea Gott Tengeiy Atsin Turita? | Ekereri 12  |
Omeataen Ereduet Dogit Itsimor Me Era |
|
 |
Otuwen deidein ata aea itsimor? (1) ebwijubwij? (1) |
|
Otuwen an Kristians omeata ngana ar ranga itsimor? (2) |
|
Opwer oa iok ia enim abi imin gogoro? (3) |
|
Eket emakur inon ngana ra omeata an eo eredu itsimor? (4) |
|
Eken an dogor Gott bwe dogit era? (5) |
|
Ed ngune bet tabwab eiyet era? (6) |
1. Jehova eiy burodaut itsimor. Imin memak ngan etsimor ra ow eiy tsimorura ea Gott. (Psalm 36:9) Itsimor ebwigaga ea Gott. Ngaga bet tsimorit eoning ion ngea etsiok pudu etuk ian ijet inen ogoganado ea Jehova. Tsinia enim abi bitune eoning ngea orreit oaweiyidan epwepo eat deidein ion, opwer kor ian men Gott.—Aura Meta Israel 21:22, 23; Psalm 127:3.
2. Kristians iduwen ar ranga itsimor. Ro kankania kor ia wangara audo oa bwiora eo dogodog. (Garagauweiet Edogor 22:8) An tsio Gott re eo tamo riring imin epoa tsimorura ia ita dogin bwait ekaramwen me ikidodo. Me re eo epwepon bet epo iat ekaramwen ngan babaka ngana nan oturaiy mo omaga engame ibun. Me ra gar tsinit ekaramwen ngan oaweiyida ibaka.—Psalm 11:5; Johannes 13:35. 3. Tsimorit imin gogoro bet eibwigaga ea amea imin orig. Kristian ro gona abi imin-gogoro bwe renim gona iyeyi me ekarawin oa enim ranga ngeiy atsin eat earak me egaturae. (Oawit Imin 3:21; 9:3; Aura Meta Israel 21:28) Me opwer ia eomamedo imin gogoro oa eabi ura bwe ita dogit okaramwen oa ibiboki.—Enogen Man 12:10. 4. Itsiw, mamaet (betel nut) ebaba, me onet eoku bwe dogit ibiboki eo ewina Kristians. Mungane emakur opwer dogin (1) re riring gata bwe ata aura tsio, (2) ro oturiay rabatata, me (3) ro eo dereder. (Rom 6:19; 12:1; Karuworin Korinth 7:1) Gona bet aiya kor ia wo nim eatow mungane deidein. Me am riring mo oeiboki Jehova. 5. Era bet ebwigaga ian men Gott. Gott ouge ngana itsimor, oa tsimorin mek iat era. Me ngagan pwer kor ia wo ot era. Me pwer bet ia wo ot duwet imin gogoro ngea eo dobwor okaen aran. Tsinia imin gogoro ion emwat teren oa maeow iat etrap, enim eo on. Me tsinia ebonaraiy, oa egotoiy, enim okae aran iat kapapar tsinia enim on.—Oawit Imin 9:3, 4; Dogoreiet Ibwibwin Levi 17:13, 14; Makur 15:28, 29. 6. Ed opwer ia wo ogok tabwab eiyiet era? Omaran, Jehova tengeiy bwe am gar tsinit era. Ouge ian ngan am eo obu era eadu ian rabatata ean tamo earin memak arat engame ibun oa bet arata ngana eogiten onganget. (Makur 21:25) Ngagan Kristians iduwen eab ogok tabwab eiyet era. Me ri nan ogok earit ekogomwe tekeiy tabwab eiyet imin ngana deo era. Re teng tsimor, me re eab quoquon mo otsimor tsimorura me bwa an dogor Gott.—Matthaus 16:25. |
||
  |
|
Copyright © 2006 Watch Tower Bible and Tract Society of Pennsylvania. All rights reserved. |
|
