 |
Beliefs | Future | Medical | Topics | Contact Us | Publications | Languages |
| Ekegen Ngea Gott Tengeiy Atsin Turita? | Ekereri 13  |
Otuwen am Gonan ed Etaramawir Iduwen? |
|
 |
Etaramawir memak ed Gott eibibokieiy, oa ta aiquen? (1) |
|
Adaga eo gona kor ebakit etaramawir ngana ro ouge bwe ura kor Kristians? (2) |
|
Otuwen am gonan oiyuwong Kristians iduwen? (3-7) |
1. Jesu oaweiyida aiquet etaramawir iduwen. Me ngage enim tsimine bet rabatan aiquen, oa epo, ngabuna amet taramawireiy Jehova Gott. (Johannes 4:23, 24; Ephesus 4:4, 5) Bibel owereri ea gata ngana oad kor ngabuna re tuk iat emedena oroeo enanga itsimor.—Matthaus 7:13, 14. 2. Bibel ogiten pan ngana iruwin an ima amebuna ran an kereri, ekereri opwer me makurit etaramawir eo emwi nan ken o ken an orre me metuwa epon it taramawir. Engame ri nan ored ngabuna re tueb bwe re nim edegeri ura ea edegerien Kristo. (Matthaus 7:15, 21-23; Makur 20:29, 30) Ngune kor dogin ang ed ebak earit emakurin tueb ngana ro ouge ura kor Kristians. 3. Bita kor magit itugait itema dogin Kristians eiy kor eauwe iduwen inimagora. (Johannes 13:34, 35) Eo wereria ura ia re nim angangot engame atsin eat eb memak. (Makur 10:34, 35) Me ngagan re eo bet epo iat ake. Kristians iduwen re riring ion o ion tekeiy ia etsin eman me etsin an.—Adamonin Johannes 4:20, 21.
4. Ngune ion temain bet etaramawir iduwen eiy kor ngabuna ran tsimine aura eredu bwe dogit Bibel. Ro ogok bwe aen Gott me re tuebon eken mungan opan. (Johannes 17:17; Karuworin Timotheus 3:16, 17) Re riring aen Gott tekeiy ia ogoganado eken ea an kamarar engame oa egade. (Matthaus 15:1-3, 7-9) Ro quoquon mek eiy tsimorura ean Bibel eat edae memak. Me re eo popat imit on me riring ion.—Titus 1:15, 16. 5. Etaramawir iduwen enim eredu bet egen Gott. (Matthaus 6:9) Jesu riring egen Gott, Jehova bwe enim tsiet eow iturit ibun. Kristians iduwen re nim riring bet tekeiy ngune. (Johannes 17:6, 26; Rom 10:13, 14) Iyegen ngabune engame ian am tekawa ngabun ro opaeon angogen egen Gott? 6. Kristians iduwen re nim opan angogen Monibain Gott. Jesu riring ngune. Eo dogin opapan angogen bita emoniba. (Lukas 8:1) Emetsimetsi ran an kereri bwe re nim opan bitune imwinen eat eb memak. (Matthaus 24:14; 28:19, 20) Kristians iduwen re tuebon ngana ita Monibain Gott nan oreat iow iduwen me emek omo ean bitune eb.—Psalm 146:3-5. 7. Ran an kereri Jesu enim deo ura won bitune eb ebaka. (Johannes 17:16) Re eo bet mek me epon riring ian an memori eb bwe dogit edogor me epon kongeot bwe dogit imin. Ro gar tsinit earit egaturae me ebabaka ngan mameta eat eb ngage. (Jakobus 1:27; 4:4) Wo gona iok oiyuwong epot taramawir ion ian am tekawa ngea omeata temait etaramawir ngea iduwen? |
||
  |
|
Copyright © 2006 Watch Tower Bible and Tract Society of Pennsylvania. All rights reserved. |
|
