 |
Beliefs | Future | Medical | Topics | Contact Us | Publications | Languages |
| Ekegen Ngea Gott Tengeiy Atsin Turita? | Ekereri 14  |
Otuwen an Jehova’s Witnesses Riring Aura Epo |
|
 |
Ngata ngaga Jehova’s Witnesses tsiminen aura oaweiy in epo ngage kameow? (1) |
|
Otuwen aura epo Jehova’s Witnesses me rangaen? (2) |
|
Otuwen aura ranga pumwet imin? (3) |
|
Iyegen obu me eow iat epo ion o ion? (4) |
|
Ekeget epo ngan ouwak eogok iat eobweni eaeoweaeow? (5) |
|
Eket emakur eriring ian wangara tubwit epo me ian wangara obit inon? (6) |
1. Jehova’s Witnesses tsimine aura oaweiyidan epo ngage kameow ian 1870’s adamonin, egora ia epan amin kererieiy Bibel. Me ngaga 1931 ro ogokien atsin iat Bibel, eg ngune Jehova’s Witnesses. (Jesaja 43:10) Atsin ago adamonin kadudu kor nge epo ongabedan ngage ea mirion Witnesses ngabuna ro reit eiyan mo popan yan 230 ebakit eb. 
2. Ibun an epo Jehova’s Witnesses tsimine aura daein epo aijuwori iat week eaeoweaeow. Emwinuw bet bwe wo nim meta ea mungane epo. (Ebraer 10:24, 25) Bibel eiy oeweiyon ngea enim eke kereri ean. Epo ebaida me etsimwa eow eat ededaro. “Iriang eibwigaga” ngan ngat eat iburio iriangeiy eow bet eat epo memak. (Ephesus 5:18, 19) Eko pumwen ia metu, me eko onaniet eadu ia enim obu.—Matthaus 10:8. 3. Ibun epo ro ogok aura epo iat Kingdom Hall. Mungane ura kor ewak me meroro kor oweiyen eow iturit Witnesses ngabuna tura totow ura. Wo eab gonan ed tamo kewewit imin, ekaibar oa imin tekeiy mungane iat Kingdom Hall. Pumwet imin epumweaten eow iat eadu ngana etotow. Ea ngabuna re teng totow eadu, tsimine dabatsi ion bait eadu.—Karuworin Korinth 9:7.
4. Iat epo ion o ion tsimine engab oa amen eow me ranga. Ro obu me eow ekereri iat epo. (Adamonin Timotheus 3:1-7; 5:17) Ibuok eow turit amen ranga imin ngabuna itsio. (Adamonin Timotheus 3:8-10, 12, 13) Amebune engame, re eo goda eken ea itugain ngabuna ibun rat epo. (Karuworin Korinth 1:24) Me eo oiya ura godaura ngan ekae ken. (Matthaus 23:8-10) Ro eo oekae aura karawin me oekae ea ngabuna ibun. Me epoa eo pumwe bet aura makur. Amebune engab re totow tsirongin rangaet imin ngana won anin eat epo. Ro gona eoiyaw, me eowem ia orre edae in babaka.—Jakobus 5:14-16; Adamonin Petrus 5:2, 3. 5. Jehova’s Witnesses ro ogok bet epo ouwak, eat obweni eaeowaeow. Ean mungane edae, ebak epo re nan epodan orre bwe dogit ekererieiyen angogen Bibel. Babtizoien rat kereri tsimedu eiy imiton ngea eo dogin ogok eat tamo ion mungane epo ouwak.—Matthaus 3:13-17; 28:19, 20. 6. Ngaben an epo Jehova’s Witnesses eat eb memak, emek ian New York. Emek ina bet bita tubwit epo. Etongin aura epwoda ngabet epo, ngabuna ro aea rangaet epo memak eat eb. Tsimine bet 100 emwa eobid babareow eat eb. Ino emek mungane ngabun tura etotow ura ro obuok in eare me ro oiyon Bibel-it eretin. Riringen bet eoiya ea ngabuna re epo bwe dogin popanen riringet emakur. Ada weo kamarar me wad bet eobid ngan magit eturenaw?
|
|||
  |
|
Copyright © 2006 Watch Tower Bible and Tract Society of Pennsylvania. All rights reserved. |
|
