1. Ean ngage ebaket imin wo kererieiey atsin iat Bibel. Bitune eman nim eowuw ea am man me eke awe engamen tueb. (Ephesus 4:22-24) Bitune eman tsimine woun, wereriw bwe wo nim gona itsimor eko dogin. (Johannes 17:3) Ngagan bet ibun ar nim kaiyiot bet imwinen omo bwe ura bet re nim gonan itsimor. Memak Kristians iduwen re nim wereri ibun. Eiy kor an dorer Gott.— Rom 10:10; Adamonin Korinth 9:16; Adamonin Timotheus 4:16.
2. Wo gona bet oaweiy eow ean am epwepoa ngabuna re turenaw imin ngan omo ngana wo tsietsien. Pana ko bet amen bwiom, dangom, dangom in kereri, me dangom in makur. Wo nim dob duwom me yen burioum tsinia wo riring. (Karuworin Korinth 2:24, 25) Wo omaran ngana engame gatuwori ro aea deidein earit engame eken ea aura kaiyiot mungana orreit opan. Me ngaga earit deidein ngan omo ogona ia wo orreat ibun bwe re nim kaiyiot engok ngana wo pana ura.—Matthaus 5:16; Adamonin Petrus 3:1, 2, 16.
3. Eat edae bet, wo gona bet ia wo maten me oaweiy in popan epoa ngabuna rat Jehova’s Witnesses. Ngune tsimine kor woun in am erre nanam ian am kenen. (Matthaus 24:14) Nan eiy kor ibiboki ouwak ia wo nim gonan buok engame me ekeiy an ngame Jehova me gona itsimor eko dogin!—Adamonin Thessalonika 2:19, 20. |
