Am Kiyiyin Nim Makura Gott

1. Tsinia wo nim eke awe dangon Gott, wo nim gona eman ngea omo iduwen ian Bibel (Adamonin Timotheus 2:3, 4), wo ngaeow itueb iat imin memak ngana wo ogiten kererieiy (Ebraer 11:6), ead am dura. (Makur 17:30, 31), me iwido atsin ian medenan tsimorum. (Makur 3:19) Me am auwe bwe dogin Gott nan riringuw bwe wo nim totowuw ea ngeiy. Ngune ouge ian bwe tawe kor iat ededaro wo pana ngana wo totowen awe ea ngeiy bwe wo nim riring aen.—Matthaus 16:24; 22:37.

2. Iruwin am riring am totowuw ea Gott, wo nim baptizon. (Matthaus 28:19, 20) Ebaptizo pana engame memak tsieden ngana wo ogiten totowuw ngawe ea Jehova. Ngagan ebaptizo ewina ta ea ngabuna ura engab eken tewina ura ia re nim kiyiy me riring aen Gott. Tsinia engame ion baptizon, memak rabwadan enim totu iat ebok iyong eat edae eken.*—Markus 1:9, 10; Makur 8:36.

3. Iruwin am og-in totowuw, Jehova nan ta maranuw bwe wo nim mek me omaran wam berith. (Psalm 50:14; Ecclesiastes 5:4, 5) Me Diabolos nan quoquon bwe enim duguw awe atsin ean am riring aen Jehova. (Adamonin Petrus 5:8) Me wo nim turena Gott iat ededaro. (Philippi 4:6, 7) Kererieiy aen eat edae eaeowaeow. (Psalm 1:1-3) Mek turena bet epot taramawir. (Ebraer 13:17) Eow ean riringen memak mungane, wo nan gona eoaieo me tamek me dobweduwom ea Gott. Me ea bet dogin wo gona bet iriring imin ngana Gott tengeiyonuw.

Dogin tsinia enim tuk pan ifuw angogen, oa dogin kererieiyen Bibel anawak bwiom, eko pumwen. Kong aw wonim eare ea Watch Tower, ouwenonet address iyong ngan eogiten oekae. Addresses

* Am kererieiy Knowledge That Leads to Everlasting Life (Emwan Ngea Enanga Itsimor Eko Dogin), oa dabuk ngan tsietaboa earean eow turit Watch Tower Bible and Tract Society, ngana eogiten pan me gadauw bwe dogit ebaptzio.

Copyright © 2006 Watch Tower Bible and Tract Society of Pennsylvania. All rights reserved.