Ele Nzambi? - Adrɛsɛ wa l’Ɛtɛrnɛtɛ wa Ɛmɛnyi wa Jehowa

Adrɛsɛ wa l’Ɛtɛrnɛtɛ wa Ɛmɛnyi wa Jehowa

Beliefs

Future

Kakɔna Katɔlɔmba Nzambi?

Wekelo 2

Ele Nzambi?
	Ele Nzambi ka mɛtɛ, ndo naa lokombo lande? (1, 2)
	Woho akɔna wa demba diele lande? (3)
	Naa waonga ande woleki weke? (4)
	Onde ekɔ dimɛna kamba l’esato, la dikishi ndo la mpingu lam’awɔtɛmɔlaso? (5)
	Naa weho ehende watokimanyiya dia mbeka woho wa mbeya Nzambi? (6)

1. Anto tɛmɔlaka diangɔ efula. Koko, Bible totɛka ɔnɛ Nzambi ɔtɔi ka MƐTƐ keto mbêkɔ. Nde mbakatonge diangɔ tshɛ dia l’olongo ndo dia la nkɛtɛ. Lam’ele nde mbakatosha lɔsɛnɔ, Ndamɛ oto mbahombaso tɛmɔlaka.—1 Koreto 8:5, 6; Enyelo 4:11.

2. Nzambi ekɔ la nkombo efula yalɔtɛtɛmɔla, koko nde ekɔ paka la lokombo ɔtɔi. Lokombo lakɔ ko JEHOWA. Wakanya lokombo la Nzambi oma lo Bible efula ko wakalihɛnya la nkombo ya lɔtɛtɛmɔla nyɛ: NKUMADIƆNDJƆ kana NZAMBI. Koko, lam’akafundama Bible, lokombo Jehowa lakatanemaka mbala oko 7 000 lɔkɔ!—Etumbelu 3:15; Osambu 83:18.

3. Jehowa ekɔ la demba, koko aha oko diakiso. Bible mbutaka ɔnɛ: “[Nzambi] eko [n]yuma.” (Joani 4:24) Nyuma ekɔ woho ɔmɔtshi wa lɔsɛnɔ loleki lɔsɛnɔ laso fwa. Ndooko onto lambɛnaka Nzambi. Jehowa mbidjasɛ l’olongo, koko nde kokaka mɛna diangɔ tshɛ. (Osambu 11:4, 5; Joani 1:18) Ko etawɔ nyuma k’ekila na? Tɔ kema onto oko Nzambi. Koko, tɔ kekɔ wolo waki Nzambi wakamba olimu.—Osambu 104:30.

4. Bible tɔkɛnɛmɔlɛka lonto la Nzambi. Tɔ tɛnyaka dia waonga ande woleki weke wekɔ ngandji, losembwe, lomba ndo nkudu. (Euhwelu k’Elembe 32:4; Jobo 12:13; Isaya 40:26; 1 Joani 4:8) Bible totɛka dia nde ekɔ nto kanga kɛtshi ndo ɔlɔlɔ, dimanyiyanaka, ekɔ la lokaho ndo la solo dia lotutsha. Oko ana w’okitanyiya, sho la dia pemba dia mbôkoya.—Efeso 5:1, 2.

Sho mbekaka dia mbeya Nzambi oma l’ekimanyielo k’etongelo ndo ka Bible

5. Onde ekɔ dimɛna nkusama kana nɔmba la ntondo ka dikishi, k’esato kana ka mpingu? Kema! (Etumbelu 20:4, 5) Jehowa mbutaka dia sho la dia mbɔtɛmɔla paka ndamɛ oto. Nde hakahanaki lotombo lande l’onto okina kana l’ɛngɔ kekina. Dikishi hadiokoke tokimanyiya.—Osambu 115:4-8; Isaya 42:8.

6. Ngande wakokaso mbeya Nzambi dimɛna na? Yoho mɔtshi ele menda diangɔ diakandatonge ndo kana yimba dimɛna lo kɛnɛ katetshadiɔ. Diangɔ diakatonge Nzambi tɛnyaka ɔnɛ nde ekɔ la wolo ndo la lomba l’efula. Tekɔ lo mɛna ngandji kande oma lo kɛnɛ tshɛ kakandasale. (Osambu 19:1-6; Romo 1:20) Yoho kina ya mbeya Nzambi dimɛna ele mbeka Bible. Lɔkɔ mbatolembetshiyande nto woho wa Nzambi wende. Nde totɛka nto kɛnɛ kasangoyande sala ndo kɛnɛ kalangande dia sho sala.—Amose 3:7; 2 Timote 3:16, 17.

Akatondjama lo 1996
Copyright © 2008 Watch Tower Bible and Tract Society of Pennsylvania. All rights reserved.