Asangoya Nzambi lo Dikambo dia Nkɛtɛ? - Adrɛsɛ wa l’Ɛtɛrnɛtɛ wa Ɛmɛnyi wa Jehowa

Adrɛsɛ wa l’Ɛtɛrnɛtɛ wa Ɛmɛnyi wa Jehowa

Beliefs

Future

Kakɔna Katɔlɔmba Nzambi?

Wekelo 5

Asangoya Nzambi lo Dikambo dia Nkɛtɛ?
	Lande na kakatonge Jehowa nkɛtɛ? (1, 2)
	Lande na kele nkɛtɛ kema paradiso ɛlɔ kɛnɛ? (3)
	Kakɔna kayokomɛ anto wa kɔlɔ? (4)
	Lo nshi yayaye, Yeso ayondosalɛ akanga wa hemɔ? esombe? anto wambovɔ? (5, 6)
	Kakɔna kahombayɛ sala dia wɛ kondja ɛtshɔkɔ lo nshi yayaye na? (7)

1. Jehowa akatonge nkɛtɛ di’anto ngɛnangɛna la lɔsɛnɔ lɔkɔ pondjo pondjo. Nde akalange di’anto w’ɛlɔlɔ, ndo wele l’ɔngɛnɔngɛnɔ mbidjasɛka lɔkɔ nshi tshɛ. (Osambu 115:16; Isaya 45:18) Nkɛtɛ halanyemaki pondjo; tɔ kayotshikala pondjo pondjo.—Osambu 104:5; Undaki 1:4.

2. La ntondo ka Nzambi tonga onto, nde akasɔnɛ lɛtshi lɔmɔtshi la tshitshɛ la nkɛtɛ ko akalietɛ paradiso ka dimɛna efula. Nde akalielɛ ate ekambɔ k’Ɛdɛna. Lɛsɔ mbakandakitsha Adama l’Eva, pami la womoto la ntondo. Nzambi akalange dia vɔ mbota ana ndo ndodja nkɛtɛ k’otondo. Yema yema, vɔ wotokonya nkɛtɛ k’otondo paradiso.—Etatelu 1:28; 2:8, 15.

Paradiso kakashishɔ

3. Adama l’Eva wakatshe pɛkato lam’akawahindola ɔlɛmbɛ wa Nzambi l’okonda. Omalɔkɔ, Jehowa akawatshanya oma l’ekambɔ k’Ɛdɛna. Paradiso kakashishɔ. (Etatelu 3:1-6, 23) Koko Jehowa kombohɛ sangwelo diande diendana la nkɛtɛ kɛnɛ. Nde ndakaka dia kikonya paradiso lushi lɔmɔtshi, lɛnɛ ayodjasɛ anto pondjo pondjo. Woho akɔna wayondotsha dikambo sɔ na?—Osambu 37:29.

4. La ntondo ka nkɛtɛ kɛnɛ kadimɔ paradiso, anto wa kɔlɔ la dia ndanyema tshɛ. (Osambu 37:38) Dui sɔ diayosalema l’Aramangɛdɔna, mbut’ate lo ta diayokumiya Nzambi akambo wa kɔlɔ. Oma lâsɔ, Satana ayoyodjama lo lokanu ɛnɔnyi 1 000. Dui sɔ nembetshiyaka ɔnɛ ndooko onto la kɔlɔ layotshikala dia nanyaka nkɛtɛ nto. Paka ekambi wa Nzambi ato mbayoka.—Enyelo 16:14, 16; 20:1-3.

5. L’etena kɛsɔ mbayolɛ Yeso Kristo nkɛtɛ kɛnɛ oko Nkumekanga l’edja k’ɛnɔnyi 1 000. (Enyelo 20:6) Nde ayonya pɛkato yema yema oma lo timba taso ndo oma l’alemba aso. Tayokoma anto wa kokele oko waki Adama l’Eva la ntondo ka vɔ ntsha pɛkato. Lâsɔ, hemɔ, lotshundu, ndo nyɔi hatoyala nto. Ase hemɔ wayɔkɔnɔ ndo esombe wayokalola ɛlɔngɔlɔngɔ nto.—Jobo 33:25; Isaya 33:24; Enyelo 21:3, 4.

6. L’edja ka Diolelo diaki Yeso di’Ɛnɔnyi Kinunu, akanga wa kɔlamelo wayokamba kâmɛ dia kadimola nkɛtɛ paradiso. (Luka 23:43) Ndo nto, miliyɔ y’anto yakavu yayolwama dia ndjɔsɛna la nkɛtɛ. (Etsha 24:15) Naka vɔ sala kɛnɛ kâlɔmba Nzambi, kete vɔ wayotetemala la nsɛna pondjo pondjo la nkɛtɛ. Naka aha ɔsɔku, kete vɔ wayodiakema pondjo pondjo.—Joani 5:28, 29; Enyelo 20:11-15.

7. Ɔsɔku mbayokotshama sangwelo diaki Nzambi di’etatelo diendana la nkɛtɛ. Onde ndo wɛ lawɔ kombolaka ndjokondja ɛtshɔkɔ wa lo nshi yayaye ɛsɔ? Naka eelo, kete tetemala mbeka dia mbeya Jehowa ndo kitanyiya kɛnɛ kalɔmbande. Wɔ̂twɛlɔ wa lo nsanganya lo Mbalasa ka Diolelo k’Ɛmɛnyi wa Jehowa kele lo ngelo kanyu kana kodjashiyɛ ayokokimanyiya dia wɛ sala ɔsɔku.—Isaya 11:9; Heberu 10:24, 25.

L’ɔkɔngɔ w’Aramangɛdɔna, nkɛtɛ kayokadimɔ paradiso

Akatondjama lo 1996
Copyright © 2008 Watch Tower Bible and Tract Society of Pennsylvania. All rights reserved.