Azu ye Masəŋ ne? - Za Syedowal Jehowa : Cok lwaa Gɓəzah Pa byak cokke matə wat pə Internet.

Za Syedowal Jehowa : Cok lwaa Gɓəzah Pa byak cokke matə wat pə Internet.

Beliefs

Future

Fan mai Masəŋ mo tə byak gin wo mana

Leesoŋ 2

Azu ye Masəŋ ne ?
	Azu ye Masəŋ matə goŋga ne, a ɗii ko ɗəne ? (1, 2)
	A ne suu ne suu fẽene ? (3)
	Kpak ah ma luu ko fẽene? (4)
	A pəsãh no mor ka zyeb Masəŋ ki cam ne təsalle, wala ne vãm syẽ ka juu pel wol ah ne ne ? (5)
	We cuu fan gwa mai we gak ka tan Masəŋ ne ko. (6)

1. Dəfuu juura pel wo fan camcam pəlli. Bibel faa nyi na Masəŋ matə GOŊGA a vaŋno to. Ako ye joŋ fan ma cok sə ne fan ma tə sər daŋ. Ako ye nyi cee nyi na, na mor ka juu pel wol ah syak ah to. — 1 Korintien 8:5, 6 ; Caŋryaŋ 4:11.

2. Masəŋ a ne təɗii matə ema ema pəlli, təɗii ah masãh vaŋno to. A ɗii ne JEHOWA. Pə Bibel ma nyee ki ah, kwonra təɗii ah ne təɗii matə ema ema təgbana Dəblii wala Masəŋ. Ne cok Bibel mo ŋwəə kəpelle, təɗii Jehowa gŋ daidai 7 000 ! — Pəə Za Israel 3:15 ; Ləŋni 83:19 (83:18, Les Saintes Écritures — Traduction du monde nouveau).

3. Jehowa a ne suu, suu ah ka ne suu man na. Bibel faa “ Masəŋ tə ’yak yo ”. (Johana 4:24.) Tə ’yak fan ma ne cee yo, kal na ɓe. Dəɓ ma kwan Masəŋ kəka. Jehowa a cok səŋ, kaa ɓo gŋ, a ẽe fan daŋ gin səŋ (Ləŋni 11:4, 5 ; Yohana 1:18). Tə ’yak matədaŋdaŋ ko fẽene ? Tə ’yak matədaŋdaŋ, ɗəfuu ye ka təgbana Masəŋ ya, amma swah Masəŋ yo. — Ləŋni 104:30.

4. Bibel cuu nyi na Jehowa sye ɗəfuu ma suu ɗii ye ne. A cuu kpak ah ma luu nyi na təgbana ‘yahe, njaŋ, fatanne ne swahe (Cuu Ɓə Laini 32:4 ; Job 12:13 ; Esaia 40:26 ; 1 Yohana 4:8). Bibel faa nyi na ako ye pa kwan syak ne pa’yahe, pa rõmme, pa nyi fan ne pa bai zokki. Wee iŋni, na kyeɓ ka joŋ təgba ne ko. — Efesien 5:1, 2.

Na tan Masəŋ wo fan joŋ ahe ne Bibel ahe.

5. A pəsãh no mor ka kea ga səŋ wala ka juu pel wo masəŋ ma zyeb ne təsalle, ne vãm syẽ wala ne kpuu ne ? Ka (Pəə Za Israel 20:4, 5) ! Jehowa faa na juu pel wol ah to. Ka waŋ yak ah ne dəɓ ki ya ko ne fan ki ya ta. Fan zyeɓ ne jol ka gakra gbah jol man na. — Ləŋni 115:4-8 ; Esaia 42:8.

6. Na joŋ ɗii ka tan Masəŋ pəsãh ne ? Kəpel ahe : we ẽe fan mai ako mo joŋ ɓo daŋ ka we foo ɓə təl ah pəsãhe a cuu fẽe nyi na ne. Fan mai Masəŋ mo joŋ daŋ a cuu nyi na ako ne swah ne fatan daŋ pəlli. Na kwan’yah ah wo fan mai ako mo joŋ daŋ. (Ləŋni 19:1-6 ; Romanen 1:20). Fahfal ah ka tan Masəŋ pəsãh ɓe mo fee Bibel. Pə Bibel, a cuu nyi na ako ye Masəŋ makẽne. A faa nyi na fan mai ako mo tə foo ka joŋni ne fan mai moo ɓyakko gin wo mana. — Amos 3:7 ; 2 Timoteus 3:16, 17.

Ŋwəə bo ne 1999
Copyright © 2006 Watch Tower Bible and Tract Society of Pennsylvania. All rights reserved.

Azu ye Masəŋ ne ?