 |
Beliefs | Future | Medical | Topics | Contact Us | Publications | Languages |
| Fan mai Masəŋ mo tə byak gin wo mana | Leesoŋ 3  |
Azu ye Yesu Kristu ne ? |
|
 |
Za ɗii Yesu ne “ Welii ” Masəŋ mor fẽene ? (1) |
|
Za ɗii ko ne “ Ɓə faa ” mor fẽene ? (1) |
|
Mor fẽe Yesu ge tə sər təgbana ɗəfuu ne ? (2–4) |
|
Joŋ ko fan tə gəring mor fẽene ? (5) |
|
Zah vaŋno be Yesu ga joŋ fẽene ? (6) |
1. Ne cok ako mo ɓah gin wo sər ya ba, Yesu ye ɗəfuu ma tə’ yak cok səŋ. Za ɗii ko ne Welle, “welii” Masəŋ mor Masəŋ joŋ ko kəpel fan daŋ (Kolosien 1:15 ; Caŋryaŋ 3:14). Yesu ye Wel matə vaŋno mai Masəŋ mo joŋ ko ne suu syak ahe. Ne cok Yesu mo ɓah gin wo sər ya ba, ako ye “ɗəblii yeɓ” mai mo yea ka Jehowa ne cok ka ako mo tə joŋ fan ma cok səŋ ne fan ma tə sər daŋ (Ɓə Kikiŋ 8:22-31 ; Kolosien 1:16, 17). Masəŋ ɓaŋ ko təgbana ɗəɓ pee ah masãh ahe. Mor ah za ɗii Yesu ne “ Ɓə faa ”. — Yohana 1:1-3 ; Caŋryaŋ 19:13. 
2. Masəŋ pee wel ah ge wo sərri, pee ge ɓər Maria. Pah Yesu ɗəfuu nə nah ye ka. Mor ah Yesu ka ne faɓe’ ya syaŋsyaŋ. Masəŋ pee ko ge wo sər mor ɓə sai : 1) ka mo cuu ko ɓə goŋga nyi na tə Masəŋ (Yohana 18:37 ), 2) ka mo joŋ ko fan sãhe, so ka na syee təɓəlam ahe (1 Petar 2:21) ne 3) ka nyi cee ah mor ka wəə na zah faɓe’ ne zah wulli. Reba ah ko fẽene ? — Mateus 20:28. 3. Adam, ɗəb mai Masəŋ mo joŋ kəpel, ŋwõo kyaŋ, joŋ fan mai Bibel moo ɗii ne “ faɓe’ ”. Masəŋ ɗii wul təl ahe (Təŋ Mor Fanne 3:17-19). Ako gak joŋ ’yah Masəŋ ya, ɗəɓ tə goŋga ye ka ko yao. Təŋ ne tamme so lwaa wulli. Adam sob faɓe’ nyi wee ah daŋ. Mor ah na daŋ na tamme, na lwaa syemme, na wukke. Za sər ga joŋra ɗii ka mo əəra ne ? — Romanen 3:23 ; 5:12. 4. Adam yea ɗəɓ matə njaŋ təgbana Yesu ta. Yesu joŋ bai laa zah nə Adam ya, ko bone mo lwaa ko bo laŋ ɓe koo. Nyi ko cee suu ah joŋ syiŋ mor faɓe’ Adam ne ko. Mor ah Bibel ɗii ne “ lee cee ”. Wee Adam gakra əə zah wul no. Za mai mo iŋra wo Yesu daŋ faɓe’ ɓəə ga rwaah ga lalle, a ga lwaara cee ma ga lii. — 1 Timoteus 2:5, 6 ; Yohana 3:16 ; Romanen 5:18, 19.
5. Ne cok ako mo tə sərri, Yesu lab syemme, nyi farel nyi za ne, lai zyak yea zahe. Ako ur wul ta. Mor fẽe joŋ ko fan tə gəriŋ mai ne ? 1) Yee syak tə syemme, ’yah gbah jol ɓəəre. 2) Fan tə gəriŋ ah cuu ako ye Wel Masɵŋ. 3) Fan tə gəriŋ ah cuu fan mai mo ga joŋ ko mor za iŋ ne cok mo ga kaa ko Goŋ tə za sər daŋ. — Mateus 14:14 ; Markus 2:10-12 ; Yohana 5:28, 29. 6. Yesu wə, so Masəŋ ur ko pə wulli. Ur ne ɗəfuu ma ne cee pə tə’yakke. Yesu jin kal cok səŋ (1 Petar 3:18). Masəŋ nyi Goŋ nyi ko ɓaabe. Zah vaŋno ɓe, Yesu ga vər faɓe’ ne bone daŋ tə sərri. — Ləŋni 37:9-11 ; Ɓə Kikiŋ 2:21, 22. |
||||||||
Ŋwəə bo ne 1999 |
  |
Copyright © 2006 Watch Tower Bible and Tract Society of Pennsylvania. All rights reserved. |
|
