Azu ye Dəɓ Be’ ne ?

1. “ Dəɓ Be’ ”, ako ye dəɓ ma gwah ber tə za ki ka joŋ ɓəɓe’ wo pa ah ne ko. “ Satan ” ’yah faa pa syiŋ zana. Təɗii marai a pəsãh mor pa syiŋ Masəŋ. Kəpel ako ye yea pa pee masãh mai mo kaa ne Masəŋ cok səŋ. Won ko suu ah ya ako ’yah za mo juu pel wol ahe, na mor juu pel wo Masəŋ syak ah to. — Mateus 4:8-10.

2. Satan, dəɓ pee, faa ɓə nyi Ewa ne soo. Gwah ber nyi ko pəlli, kə ko laa zah Masəŋ ya. Mor maiko, Satan syaŋ “ goŋ dəɓlii ” Masəŋ, koo Masəŋ ne Dəɓlii mayək ya. Satan faa Masəŋ goŋ masãh ye ka, a cuu syak nyi zana. Satan so faa dəɓ vanŋo ka kaa njaŋ wo Masəŋ ya. Joŋ ah nai ako ye kəə Satan ciŋpa syiŋ Masəŋ. Mor maiko, za ɗii ko ne Satan Dəɓ Be’. — Təŋ Mor Fanne 3:1-5 ; Job 1:8-11 ; Caŋryaŋ 12:9.

3. Ne yella, Satan a kəə za ka juu pel wol ahe (2 Korintien 11:3, 14). Fan mai mo joŋ ko ka zyak za ne ko ako ye fahlii masəŋ maɓea ahe. Fahlii masəŋ ma gwah ber tə Masəŋ, fahlii ma joŋ’ yah Satan yo ( Yohana 8:44). Za ma syeera fahlii masəŋ maɓea ah a ləŋra təgbana ara te syee mor Masəŋ matə goŋga, so ne goŋga ɓe te joŋra yeɓ Satan. Ako ‘ ye masəŋ maɓe ma wo sər maiko. ’ — 2 Korintien 4:4.

Fahlii masəŋ ki cam, joŋ kəndaŋne, ne za ma syaara sər ki a zyakra za ne.

4. Satan a kəə za joŋ kəndaŋne ka kaa swah tə za ne ko. Za ki a ɗiira cok syiŋ ka byakra, ka joŋ ɓəɓe’ wo za ki ne ko, ka tan zah’ nan ma ga pelle wala ka joŋyiila. Satan ye tə ’yak maɓe’ mai mo kaa ɓo fahfal fan marai daŋ. Ka na’nyah suu Masəŋ ɓe, na joŋ kəndaŋne ka, na joŋ yiila ka, na ẽe ciŋ ra ka ta. — Cuu Ɓə Laini 18:10-12 ; Yeɓ Za Pee 19:18, 19.

5. Satan a joŋ təgwĩi ne zana, a kəəra foo zah ban ɓəə pəyək kal mə za daŋ wala ka juu pel mor gbanzah za sərri. Za ki foo təgbana sər ɓəə wala zah ban ɓəə pəyək kal mə za daŋ. Goŋga ye ka ( Yeɓ Za Pee 10:34, 35). So za ki sobra suu ɓəə mor gbanzah za sərri təgbana ara ye ga ge ne kal tv jam tə sərri. Syeera mor ɓə foo ɓəəra, boora Goŋ Masəŋ mai mo ga ge ne kal tə jam wo sər ge lalle. — Daniel 2:44.

We uu pel Satan pəswahe so we kyeɓ tan Jehowa ge pelle.

6. Satan a joŋ təgwĩi ne zana, a kəəra ka mo joŋra’yah fan suu maɓe’. Jehowa tə ɓe faɓe’ fan sãh ye ka, a faa na joŋ faɓe’ ka (Galatien 6:7, 8). Ma ki za ɓii ga faara nyi we, we ge joŋ faɓe’ ne ra. Amma we yaŋ ka syaŋsyaŋ, Satan ye tə kəəra ka joŋ faɓe’ ne we. — 1 Korintien 6:9, 10 ; 15:33.

7. Satan gak joŋ bone camcam wo ɓii ka we sob fahlii Jehowa ɓoo. Ko za’yah ɓii laŋ gakra baŋ kpãh ne we mor we tə fee Bibel. Ma ki za ki ga səəra zahzyel ne we. We ’yah joŋ laa pə’nyah zune ? Azu ye nyi cee we ne ? Satan ’yah we duu galle ka we sob fee ɓə Jehowa ɓoo. We sob Satan kaa swah tə ɓii ka syaŋsyaŋ (Mateus 10:34-39 ; 1 Petar 5:8, 9) ! We uu pel Satan Deɓ Be pəswah ɓe, Jehowa ga laa pə’nyah ne we so we gak cuu wo za ki a we ye za ma yii goŋ dəblii ahe. — Bə Kikiŋ 27:11.

Copyright © 2006 Watch Tower Bible and Tract Society of Pennsylvania. All rights reserved.