Masəŋ ’yah sər mo yea dəne ? - Za Syedowal Jehowa : Cok lwaa Gɓəzah Pa byak cokke matə wat pə Internet.

Za Syedowal Jehowa : Cok lwaa Gɓəzah Pa byak cokke matə wat pə Internet.

Beliefs

Future

Fan mai Masəŋ mo tə byak gin wo mana

Leesoŋ 5

Masəŋ ’yah sər mo yea dəne ?
	Jehowa joŋ sər mor fẽene ? (1, 2)
	Mor fẽe sər ye ka paradis tə’nah yo ne ? (3)
	A fẽe tə kyaŋ za faɓe’ne ? (4)
	Nje ɓe, Yesu ga joŋ fẽe mor za ma ne syem, za matam ne za mai mo wukra ɓo daŋ ne ? (5, 6)
	We joŋ ɗii ka we tə ẽe Masəŋ ma pel ɓii ne ? (7)

1. Jehowa joŋ sər ka ɗəfuu mo kaara gŋ ne laa pə’nyah ŋhaa ga lii. Ako ’yah ka za matə njaŋ mo kaara wo sər ne laa pə’nyare so ka sər mo yea təkol a (Lənŋi 115:16 ; Esaia 45:18). Sər ka ga vər ya ; tə ga kaa ga fərai na matãa. — Ləŋni 104:5 ; Paccuɓə1:4.

2. Masəŋ joŋ paradis tə sər nje kəpelle ko joŋ ɗəfuu ba. Ɗii ko cok ah ne’wah Eden. Ɓaŋ ko ɗəɓ ma kəpel ma ɗii ne Adam ne mawin ma ɗii ne Ewa kanra pə’wah Eden. Masəŋ’yah ka mo bemra, ka mo ɓaara sərri. Ka nje nje, mo joŋra sər daŋ ciŋ paradis. — Təŋ Mor Fanne 1:28 ; 2:8, 15.

Paradis muŋ ɓe.

3. Adam ne Ewa joŋra faɓe’ laara zah Masəŋ ya. Jehowa nĩira gin pə’wah Eden. Paradis kŋ so muŋ o (Təŋ Mor Fanne 3:1-6, 23). Jehowah yaŋ ɓə foo ah ma kəpel ya. A faa com ki ɓe sər daŋ ga ciŋ paradis, za matə njaŋ a ga kaara gŋ ga lii ga lii. Masəŋ ga joŋ suu ɗəne ? — Ləŋni 37:29.

4. Ka sər mo ciŋ paradis ɓe, za faɓe’daŋ a ga muŋra (Ləŋni 37:38). Fan mai daŋ ga joŋ ne Har-Maguédôn, sal Masəŋ ma vər faɓe’. Fah fal ah, Satan ga joŋ daŋgai syii 1 000. Za faɓe’ ka ga yeara ka ɓəɓsər yao. Za ma syee mor Masəŋ njaŋ daŋ ga yeara wo sər syak ɓəə to. — Caŋryaŋ 16:14, 16 ; 20:1-3.

5. Yesu Kristu ga kaa Goŋ tə sər syii 1 000 (Caŋryaŋ 20:6). Nje nje, a ga nəə faɓe’ tətəl man ne wo suu man daŋ ga lalle. A na ga ciŋ za matə daŋdaŋ təgbana Adam ne Ewa mo yeara kəpel ka joŋra faɓe’ ya ɓa o. Syem ka ga yea yao, tam təkine wul daŋ ka yeara yao ta. Za ma ne syem daŋ ga labra, za ma tam daŋ suu ɓəə ga giŋ ga pel təgbana mə təbanna. — Job 33:25 ; Esaia 33:24 ; Caŋryaŋ 21:3, 4.

6. Syii 1 000 mai Yesu mo ga kaa goŋ, za matə njaŋ daŋ ga joŋra yebbe, a ga joŋra ka sər daŋ mo ciŋparadis (Lukas 23:43). So kpə, wul pəlli ga urra pə wul ka kaa wo sərri (Yeɓ Za Pee 24:15). Mo joŋra ’yah Masəŋ ɓe, a ga kaara wo sər ŋhaa ga lii. Mo joŋra ya ɓe, a ga wakra kpə, ka ga urra yao syaŋsyaŋ. — Yohana 5:28, 29 ; Caŋryaŋ 20:11-15.

7. Ɓə foo Masəŋ ma kəpel tə sər ga joŋ yebbe. We ’yah ẽe Masəŋ ma pel ɓii no ne ? We ge pel ne fee tan Jehowa ne fan mai ako mo’yahe. Ka mo yea ne we pəgab ka ɓe sye, we ge cok tai za Syedowal Jehowa ɓər Yaŋ Goŋ Masəŋ ɓəə, ma kah yaŋ ɓii gwari. — Esaia 11:9 ; Yahuduen 10:24, 25.

Fahfal Har-Maguédôn ɓe, sər daŋ ga ciŋ paradis.

Ŋwəə bo ne 1999
Copyright © 2006 Watch Tower Bible and Tract Society of Pennsylvania. All rights reserved.