Goŋ Masəŋ ko fẽene ?

1. Ne cok ako mo no wo sərri, Yesu cuu juu pel mor Goŋ Masəŋ nyi za syee mor ahe. Goŋ Masəŋ sye gouvernement mai goŋ mo lwaa ɓo yo. Goŋ Masəŋ, gouvernement matə wat yo. A cok səŋ so a ga kaa swah tə sərri. A ga joŋ təɗii Masəŋ ka yea pəyəkki. A ga joŋ ka ’yah Masəŋ mo yea wo sər təgbana mo no cok səŋ ta. — Mateus 6:9, 10.

2. Masəŋ nəə Yesu ka yea Goŋ pə Goŋ ahe (Lukas 1:30-33). Ne cok Yesu mo no wo sərri, fan joŋ ah cuu ako ye ga yea Goŋ masãhe, matə njaŋ ne matə daŋdaŋ. Ne cok mo jin ko kal cok səŋ, Masəŋ nyi Goŋ nyi ko sə ya (Yahuduen 10:12, 13). Ne syii 1914, Jehowa nyi goŋ nyi Yesu nə mai mo faa nyi ko kəpelle. Yesu kaa Goŋ daga syii ahe ; Jehowa nyi Goŋ nyi ko cok səŋ. — Daniel 7:13, 14.

3. Jehowa nəə za wəə ne ŋwəə matə njaŋ wo sər ka mo kaara cok səŋ. A ga kaara goŋ ne Yesu tə za sərri, a ga yeara tŋgbana za goŋe, za ngoŋ kiita ne za joŋzahsyŋrĩ (Lukas 22:28-30 ; Caŋryaŋ 5:9, 10). Yesu ɗiira nə “ ŋgaɓ laŋne ” a ga kaara goŋ ne ki cok səŋ. Pã ɓəə 144 000. — Lukas 12:32 ; Caŋryaŋ 14:1-3.

4. Ne cok Yesu mo kaa Goŋe, nĩi Satan ne za pee ah maɓea’ cok səŋ, nĩira kal ge tə sərri. Mor maiko, tə sər zəzəəko gab pəlli daga syii 1914 (Caŋryaŋ 12:9, 12). Salle, koŋni, syem ma zəə zana daŋ a no, kəliiza ’yah ɓəə wuu ɓo pəwokki, fan mai daŋ a cuu Yesu kaa goŋ ɓe so na zah’ nan ma fahfal tə lii o. — Mateus 24:3, 7, 8, 12 ; Lukas 21:10, 11 ; 2 Timoteus 3:1-5.

5. Nje ɓe Yesu ga ŋgoŋ kiita tə zana, a ga cea za nə pakəppi moo cea pəsəə ne səgwiiri. “ Pəsəə ” ye za mai moo syeera mor Yesu pəsãhe. A ga lwaara cee ma ga lii tə sərri. “ Səgwĩi ” ye za mai mo ɓoora Goŋ Masəŋ ga lalle, mo ka ’yahra ya (Mateus 25:31-34, 46). Nje ɓe, Yesu ga ik za mai moo joŋra fan nə səgwii daŋ ga lalle (2 Tessalonikien 1:6-9). We ’yah ka yea “ pəsəə ” Yesu ɓe sye, we laa ɓə lai Goŋ Masəŋ, ne syee mor fan mai we təfeeni. — Mateus 24:14.

Pə zah’ nan goŋ Yesu, syiŋ ki ne kwon za camcam daŋ ka ga yeara yao.

6. Tə’ nah, sər cea ɓo camcam pəlli. Sər daŋ ne gouvernement ahe. Sər ki a ruura sal ne sər ki. Goŋ Masəŋ ga nyii gouvernement jol goŋ sər daŋ. Ako ga yea goŋ wo sər syak ah to, a ga vər goŋ marai daŋ (Daniel 2:44). Sal təkine ɓəɓe’ daŋ ka ga yea yao. Za daŋ ga kaara wo ki pəsãhe, a ga kaara təgbana za tə vaŋno. — Mika 4:3, 4.

7. Syii 1 000 mai Yesu mo ga kaa goŋ wo sərri, za matə njaŋ, ga yeara daŋdaŋ, sər daŋ ga ciŋ paradis. Fahfal syii 1 000 Yesu ga vər yeɓ mai Masəŋ mo nyi ɓo ko. Mo vər ko daŋ ɓe, a ga soɓ Goŋ nyi Masəŋ Pamme (1 Korintien 15:24). Mor fẽe we ka cuu fan mai Goŋ Masəŋ mo tə ga joŋ nyi za yaŋ ɓii wala bai sãh ɓii ra ya ne ?

Copyright © 2006 Watch Tower Bible and Tract Society of Pennsylvania. All rights reserved.