We mgbãa Masəŋ ne juu pelle

1. Juu pel, faa ɓə nə Masəŋ nə won suu yo. Pə cok daŋ, we mor ka juu pel wo Masəŋ. A ga ciŋ bai sãh bii matə gwari. Jehowa ye dəɓ ma lii so dəɓ swah lii ye ko ta ; nə daŋ laŋ a laa juu pel mana. We juu pel wo Masəŋ cok daŋ no ne ? —Ləŋni 65:2 ; 1 Tessalonikien 5:17.

2. Za yii Masəŋ ne juu pel ta. Na mor ka juu pel wo Masəŋ Jehowa syak ah to. Ne cok Yesu mo no wo sərri, a juu pel wo Pam to, ka juu pel wo ɗəbki ya syaŋsyaŋ. Na mor ka joŋ nə ko ta. (Mateus 4:10 ; 6:9). Na juu pel wo Masəŋ pə təɗii Yesu. Na tə joŋ nai ɓe, na cuu na tə kẽe kal Yesu pel Masəŋ, so na iŋ ɓo wo syim ah mai mo lee na ɓo nə ko. — Yohana 14:6 ; 1 Yohana 2:1, 2.

3. Na tə juu pel ɓe sye, na fa ɓə ma pə zahzyil man ŋhaa nyi Masəŋ sə. Na ka mor ɓaŋ juu pel nə tətəl ya so na ka mor kee pə derewol juu pel ya ta (Mateus 6:7, 8). Na gak juu pel cok daŋ so nə fahkəkene daŋ təgbana zahzyil man moo ’yahe. Masəŋ gak laa juu pel mai na juu pə zahzyil man ta. (1 Samuel 1:12, 13). A pəsãh ka juu pel cok mai za mo ka gŋ ya. — Markus 1:35.

4. We gak fii fẽe pə juu pel ɓii wo Masəŋ ne ? We gak fii fan mai we ne ’yah ah təgəə ɓii nə Masəŋ (Filipien 4:6, 7). Na mor juu pel mor tədii Jehowa ka ’yah ah mo joŋ təgbana Yesu mo cuu nyi na. We gak juu pel mor fan mai suu ɓii moo ’yahe, mor ka faɓe’ ɓii mo rõmme, mor ka lwaa swah ka we gee pə cok mai faɓe’ moo kəə we gŋ ka. (Mateus 6:9-13). Na ka mor juu pel mor fan suu man to ya. Na gak pəə Masəŋ mor fan mai moo joŋ ’yah ah to. — 1 Yohana 5:14.

5. Cẽecẽe, we gak juu pel ka joŋ osoko nyi Masəŋ wala ka yii ko təgbana zahzyil ɓii moo ’yah ɓo (1 Kee Ɓə 29:10-13). Ne cok we pə bone ɓe’, so iŋ ɓii mo ka pəswah ya ɓe’, we juu pelle (Ləŋni 55:22 ; 120:1). A pəsãh ka we tə ga re farel ɓe, wee ju pel daŋ ɗao (Mateus 14:19). Jehowa faa na juu pel “cok daŋ”. — Efesien 6:18.

6. Koo na joŋ faɓe’ ma lii ɓo laŋ, na mor ka juu pel kpə. Na mor ka pəə Jehowa ka mo kwo syak tə mana, ka mo rõm ko faɓe’ man ta. Na kee faɓe’ man nyi Masəŋ ɓe so na tə joŋ swah ka na joŋ faɓe’ koo ɓe, Masəŋ a “ gwari ne rõmme ”. — Ləŋni 86:5 ; Ɓə Kikiŋ 28:13.

7. Jehowa laa juu pel za matə njaŋ to. We ’yah Masəŋ mo laa juu pel ɓii ɓe, we joŋ swah ka syee mor ɓə lai ahe (Ɓə Kikiŋ 15:29 ; 28:9). Dəɓ mo tə juu pel ɓe, mo won ko suu ahe (Lukas 18:9-14). We joŋ fan nə mai we fii pə juu pelle. We tə joŋ nai ɓe, we cuu a we ye za ma ne iŋni so we foo ɓə fan mai we fii ɓo goŋga. Jehowa gak laa juu pel ɓii sai we tə joŋ nə mai ako mo tə ’yah ɓe ko. — Yahuduen 11:6.

Copyright © 2006 Watch Tower Bible and Tract Society of Pennsylvania. All rights reserved.