 |
Beliefs | Future | Medical | Topics | Contact Us | Publications | Languages |
| Fan mai Masəŋ mo tə byak gin wo mana | Leesoŋ 8  |
Kal piicel ma ’nyah suu Masəŋ |
|
 |
Pə piicel, yeɓ dəwor ko fẽene ? (1) |
|
Dəwor mor gɓan mawin ah suu dəne ? (2) |
|
Yeɓ pah yaŋ ko fẽene ? (3) |
|
Yeɓ mawin ko fẽe piicel ne ? (4) |
|
Masəŋ byak fẽe wo za wee ne wee ɓəə ne ? (5) |
|
Bibel faa ɓə fẽe tə ɓə woŋ ki ne ɓə syel ki ne ? (6, 7) |
1. Bibel faa dəwor ye ɗəblii piicel ahe (1 Korintien 11:3). Dəwor mor yea ne mawin vaŋno to. Ara mor kanki pel za luu sərri. — 1 Timoteus 3:2 ; Titus 3:1. 2. Dəwor mor ’yah mawin ah təgbana mai mo ’yah ko suu ahe. A mor gɓan mawin ah pəsãh təgbana mai Yesu mo gbə za syee mor ahe (Efesien 5:25, 28, 29). Ako ka mor i mawin ah kpee ya, so ka mor cuu syak nyi ko ne fah lii ki camcam ya ta. Ako mor ka yii mawin ahe, ka so ’yah ko nə goŋga. — Kolosien 3:19 ; 1 Petar 3:7.
3. Pah yaŋ mor joŋ yeɓ ka ɓan syiŋ ɓə tə za yaŋ ahe. Ako ye kyeɓ farelle, fan wo suu nə yaŋ daŋ nyi mawin ah nə wee ahe. Pah yaŋ mor fee ɓə Masəŋ wala cuu ɓə Masəŋ nyi za piicel ahe (1 Timoteus 5:8). Ako ye mo yea ɗəɓ ma kəpel ma gbah jol za zah piicel ah ne tan Masəŋ ne joŋ ’yah ah daŋ. — Cuu Ɓə Laini 6:4-9 ; Efesien 6:4. 4. Mawin mor gɓah jol wor ah pəsãhe (Təŋ Mor Fanne 2:18). A gɓah jol ah ne cuu fanne so ne lai weere (Bə Kikiŋ 1:8). Jehowa ’yah mawin mo ɓaŋ syiŋ ɓə piicel ne ’yahe (Bə Kikiŋ 31:10, 15, 26, 27 ; Titus 2:4, 5). Madəwin mor kee wor ahe. — Efesien 5:22, 23, 33. 5. Masəŋ ’yah wee mo laara zah za ɓəəra (Efesien 6:1-3). Ako byak ka za wee mo cuura fan nyi wee ɓəəra so ka mo laira wee ɓəə ta. Za wee, we kaa kah wee ɓiiri, ka we cuu Bibel nyi ra, ka we ɓaŋ syiŋ ɓəəra so ka we ’yahra (Cuu Ɓə Laini 11:18, 19 ; Bə Kikiŋ 22:6, 15). Za wee ka mor cuura fahlii kal masãh nyi wee ɓəə ne zahzyil ɓe’ ya; we joŋ wee ɓii pəɓe’ ka. — Kolosien 3:21.
6. Təgba dəwor ne madəwin mo ka tə gakra laa zah ki ya ɓe, mo kyebra syee mor ɓə lai ma pə Bibel. Bibel faa na ’yah ki, so na rõm ki (Kolosien 3:12-14). Ɓə faa Masəŋ ’yah na woŋ ki ya; woŋ ki ye ka ga ge ne kal tə jam piicel ya. Mawin so gak woŋ ki ne wor ah no təgbana 1) wor ah mo ka tə zyii kan syiŋ ɓə piicel ya ɓe ko, 2) mo joŋ ɓe’ wol ah pəlli so cẽecẽe mo soon ko zah wul gwari, wala 3) ɓe’ wor ah mo cakko ɓai syee mor Jehowa ɓe ko. — 1 Korintien 7:12, 13. 7. Dəwor ne madəwin mor ka kaara pəsãh woki. Joŋ ɓəə faɓe’ yo pel Masəŋ ne pel dəɓ mai mo kan ko ɓo daŋ. (Yahuduen 13:4). Ka we syel ki ɓe, sai dəɓ vaŋno təgəə ɓii za gwa moo joŋko ɓəə ɓo daŋ ɗə; wor ɓo wala mawin ɓo moo joŋko ɓəə ɓe, mo gak nĩi ko ɓoo, we gak syel ki so mo gak ɓaŋ mawin maki ah kanni wala mo gak ɓaŋ wor ki (Mateus 19:6-9 ; Romanen 7:2, 3). Jehowa syiŋ za mai moo syelra ki bai fahlii mai Bibel mo cuu ɓo so moo ɓaŋra ŋwəə wala wəə ki kanni. — Malakias 2:14-16. |
||||
Ŋwəə bo ne 1999 |
  |
Copyright © 2006 Watch Tower Bible and Tract Society of Pennsylvania. All rights reserved. |
|
