 |
Beliefs | Future | Medical | Topics | Contact Us | Publications | Languages |
| Fan mai Masəŋ mo tə byak gin wo mana | Leesoŋ 9  |
Za yeɓ Masəŋ a mor ka yeara daŋdaŋ |
|
 |
Na mor yea daŋdaŋ pə ɓə daŋ mor fẽene ? (1) |
|
Yea daŋdaŋ pə fahlii Masəŋ ko fẽene ? (2) daŋdaŋ pə ɓə lai ? (3) pə ɓə foo ? (4) pə ɓə suu ? (5) |
|
Bə faa maɓea’ mai na mor ɓoo ga lal ko makéne ? (6) |
1. Jehowa Masəŋ a daŋdaŋ. Ako ’yah ka za yeɓ ah mo yeara daŋdaŋ fahlii syel ɓəəra, pə ɓə lai, pə ɓə foo, so daŋdaŋ pə ɓe fan wo suu (1 Petar 1:16). Ka mo yea daŋdaŋ pel Masəŋ ɓe, fii joŋ swah ɓo pəlli. Na pə duniaru ma ne’ namme. Na so mor ruu sal ne faɓe’ mai suu man mo ’yah ka kəə na joŋni. Na ka mor sob ruu sal mai ya. 
2. Daŋdaŋ pə fahlii Masəŋ : Na tə ’yah joŋ yeɓ Jehowa ɓe, na ka gak syee mor fan cuu mabea’ wala fahlii Masəŋ ki cam yao. Na mor ka pəə gin fahlii masəŋ maɓe’ so na ka mor gbah jol ah ya syaŋsyaŋ (2 Korintien 6:14-18 ; Caŋryaŋ 18:4). Na təə goŋga tə ɓə Masəŋ ɓe, na mor joŋ yella ka za ber mo joŋra təgwĩi ne’ na ne cuu fan ber ɓəə nyi na ko. — 2 Yohana 10, 11. 3. Daŋdaŋ pə ɓə lai : Jehowa ’yah za mai moo iŋra ɓo wol ah daŋ moo syeera pəsãh cẽeceẽ təgbana za matə njaŋ (1 Petar 2:12). A kwan fan mai na tə joŋ daŋ, koo na tə joŋ pə muŋni (Yahuduen 4:13). Na mor sob joŋ ɓəəre, təkoi ne faɓe’ camcam ma pə duniaru maiko. — 1 Korintien 6:9-11. 4. Daŋdaŋ pə ɓə fooni : Na tə baa tətəl man ne ɓə foo masãh ɓe, fan joŋ man yea pəsãh ta (Filipien 4:8). Na ne ɓə foo mabea’ pə zahzyil man ɓe, fan joŋ man ga yea pə ɓea’ ta (Mateus 15:18-20). Na mor sob kyẽm mai moo kəə na joŋ faɓe’. Na tə fee Ɓə faa Masəŋ ɓe’ na gak baa tətəl man nə ɓə foo masãhe. 5. Daŋdaŋ pə ɓə suu : Za Kristu ye za yeɓ Masəŋ, suu ɓəə ne fan wo suu ɓəə mor ka yea bai’ namme. Mo gee kaa lal ɓe, so mo tə ga re farel ɓe wala mo tə ga juu jol wo farel ɓe, mo vãh jol ɓo ra daŋ ɗə. We ka ne cok kaa lal masãh yaŋ ɓii ya ɓe, we cii lakke, ka we kaa lal ge gŋ ɓe, we njak sər ge gŋ (Cuu Ɓə Laini 23:12, 13). Bai’ nam wo suu a nĩi syem ga lalle. Yaŋ za Kristu mor yea bai’ namme, fahfal yaŋ ne kə bər yaŋ daŋ. Za jək ɓəə gak faara ɓə sãh tə yaŋ ɓəəra. 6. Ɓə faa ma bai’ namme : Za yeɓ Masəŋ mor ka faara goŋga cẽecẽe. Za ma gwah ber ka rera Goŋ Masəŋ ya (Efesien 4:25 ; Caŋryaŋ 21:8). Za Kristu ka faara ɓə ma syen suu za ya. Ka laara ɓə jak maɓea’ya, sãm maɓea’ya,ka so səəra sãm maɓea’ ah kpe ya ta. Koo pə cok yebbe, pə l’école wala təgəə yaŋ, za təra ɓo ne za ma bai ɓə faa ma ne’ namme. — Efesien 4:29, 31 ; 5:3.
|
Ŋwəə bo ne 1999 |
  |
Copyright © 2006 Watch Tower Bible and Tract Society of Pennsylvania. All rights reserved. |
|
