Iŋ ne zahsyiŋ mai mo ka ’nyah suu Masəŋ ya - Za Syedowal Jehowa : Cok lwaa Gɓəzah Pa byak cokke matə wat pə Internet.

Za Syedowal Jehowa : Cok lwaa Gɓəzah Pa byak cokke matə wat pə Internet.

Beliefs

Future

Fan mai Masəŋ mo tə byak gin wo mana

Leesoŋ 11

Iŋ ne zahsyiŋ mai mo ka ’nyah suu Masəŋ ya
	We kee iŋne zahsyiŋ mai mo ka pəsãh ya. (1)
	Za Kristu gak iŋra Masəŋ ɗəɓ vaŋno pəzyil sai ye ne ? (2)
	Za Kristu matə goŋga ka joŋra fĩi Noël, Fĩi Paskas wala fĩi zah’ nan byaŋ ya mor fẽene ? (3, 4)
	Wul gak joŋ ɓəɓe’ wo man no ne ? (5)
	Yesu wə tə kpucee ne ? (6)
	A pəsãh no mor joŋ ’yah Masəŋ manna ne ? (7)

Ɗəɓ vaŋno pəzyil sai ye ka Masəŋ ya.

1. Iŋ ne zahsyiŋ tə camcam ka pəɓea daŋ ya. Masəŋ ka zyii iŋ ne zahsyiŋ mai mo gee fahlii masəŋ ki cam gee ya soo ne mai mo ka pə Bibel ya ta. — Mateus 15:6.

2. Masəŋ vaŋno pəzyil sai : Jehowa, Masəŋ vaŋno pəzyil sai ye ne ? Ka ! Jehowa, Masəŋ Pamme, ye “ Masəŋ ma goŋga vaŋno to ”. (Yohana 17:3 ; Markus 12:29.) Yesu Welli Masəŋ yo, ako laa ɓə daŋ gin zah Masəŋ, soo a joŋ ’yah Masəŋ (1 Korinthien 11:3). Pam pəyək kal Wel ɓe (Yohana 14:28). Tə’yak matədaŋdaŋ ɗəfuu ye ka ; swah Masəŋ yo. — Təŋ Mor Fanne 1:2 ; Yeɓ Za Pee 2:18.

Noël ne Paskas daŋ, fĩi masəŋ ki cam matãa yo, geera gŋ ge.

Na ka mor juu pel wo za mai mo wukra ɓe ya soo na ka mor ɗuu gal ɓəə ya ta.

3. Noël ne Paskas : Yesu byaŋ ne 25 décembre ya. Byaŋ ko fah kəə 1er octobre, ne cok mai za kəppi moo sobra fabal ɓəə lal ne suŋni (Lukas 2:8-12). Yesu faa nyi za syee mor ah mo joŋra fĩi byaŋ ah ya. Ako faa nyi za syee mor ah mo joŋra fĩi wul ah ka mo foora ɓə ahe (Lukas 22:19, 20). Noël ne zahsyiŋ fĩi Noël daŋ geera gin fahlii masəŋ ki cam ge. A nai ne mə fĩi Paskas ma joŋ ne pãare wala ne cuiŋ ta. Za Kristu ma kəpel ka joŋra fĩi Noël ne fĩi Paskas ya daŋ so za Kristu matə goŋga tə’ nah laŋ ka joŋra ya ta.

4. Fĩi zah’ nan byaŋni : Fĩi zah’ nan byaŋ mai Bibel mo faa ɓə ah ɓo cam cam gwa, za ma juura pel wo Jehowa ye ka joŋra fĩi ah ya ( Təŋ Mor Fanne 40:20-22 ; Markus 6:21, 22, 24-27). Za syee mor Kristu ma kəpel ka joŋra fĩi zah’ nan byaŋ ya. Fĩi zah’ nan byaŋ ne zahsyiŋ ah camcam daŋ geera gin fahlii masəŋ ki cam ge. Za ma syeera mor Kristu ne goŋga a nyira faccokkol nyi ki ne cok fẽene daŋ so a taira ki ka joŋ laa pə’nyah ne cok daŋ ta.

5. Duu gal wulli : Za mai mo wukra ɓe, ka gakra joŋ fan ki ya syaŋsyaŋ ; təra ɓə ki laŋ yao ta. Za ka gak gbah jol ɓəə ya, so ka gakra joŋ ɓəɓe’ wo man ya ta (Ləŋni 146:4 ; Paccuɓə 9:5, 10). Dəɓ mo wuu ɓe ; za ka lwaa ko fahfal wul ah yao ( Ezekiel 18:4). Ma ki dəɓ mo wuu ɓe, za pee Satan mai za moo ɗiira ne cok syiŋrĩ a baŋra suu ne suu dəɓ mai mo wuu ɓo ka joŋ təgwĩi ne na. Zahsyiŋ mai mo suu ki ɓo ne ɗuu gal wulli wala ne joŋ fan mor za mai mo wukra ɓo daŋ, ka pəsãh ya. — Esaia 8:19.

6. Kpuceere : Yesu wə tə kpucee ya. Wuu ko tə kpuu vaŋno. Ne zah Grek “kpucee” ne mai Bibel ma nyeeki moo faara kpuu vaŋno sə yo. Kpucee gee mor fahlii masəŋ ki cam ge, a ɓaabe. Za syee mor Kristu ma kəpel ka baŋra kpuucee joŋ fan ki ne ya, ka soo juura pel wol ah ya ta. We foo a pəsãh no ka juu pel wo Masəŋ ne kpuucee ne ? — Cuu Ɓə Laini 7:26 ; 1 Korintien 10:14.

7. Maki ah, a yea pəgaɓ ne we, ka sob iŋ ɓii ne zahsyiŋ ɓii daŋ ɓooni. Za piicel ɓii ne bai sãh ɓii gak faara nyi we, we sob zahsyiŋ ɓii wala iŋ ɓii ɓoo ka. We təə njaŋ, joŋ ’yah Masəŋ pəyək kal joŋ ’yah ɗəfuu ɓe. — Ɓə Kikiŋ 29:25 ; Mateus 10:36, 37.

Ŋwəə bo ne 1999
Copyright © 2006 Watch Tower Bible and Tract Society of Pennsylvania. All rights reserved.